Kriza politike, Basha: Nesër bëjmë publike detyrat e qeverisë tranzitore

Kriza politike, Basha: Nesër bëjmë publike detyrat e qeverisë tranzitore

11:30, 01/05/2019

Kreu i opozitës Lulzim Basha ka deklaruar ditën e sotme se opozita e ka gati projektin me detyrat që do të bëjë qeveria tranzitore.

Duke folur pas takimit me kryetaren e LSI-së Monika Kryemadhi, Basha u shpreh se këtë projekt do ta bëjë publik ditën e nesërme.

‘Nesër në orën 11:00 do të shpalosim detyrat e qeverisë transitore dhe njëkohësisht po punojmë për ofertën tonë për shqiptarët për mundësi punësi dhe shanse për të gjithë’, u shpreh kreu i PD-së Lulzim Basha.

I pyetur nga gazetarët nëse ka ndryshuar qëndrime, apo nëse do të pranonte të ulej në një tryezë me kryetarin e PS, Basha tha se nuk ka asnjë ndryshim nga axhenda.

‘Asgjë nuk ka ndryshuar në qëndrimin tonë dhe në koalicionin tonë; largimi i Edi Ramës është kusht i domosdoshëm për t’i hapur rrugën zhvillimit demokratik’, tha kreu i opozitës Lulzim Basha.

 

© SYRI.net

Lexo edhe:

Komentet

Shto koment

Denonco