Ish deputeti i PD-së, Enkelejd Alibeaj, në një intervistë në News 24, ka akuzuar kryeministrin Edi Rama se, përveç mediave ka blerë edhe disa ndërkombëtarë për të krijuar një fasadë që nuk tregon Shqipërinë reale.

Sipas tij, raporti më i fundit i Departamentit Amerikan të Shtetit është pasqyra më e mirë për situatën në vend.

“Po është e vërtetë. Të qenit në opozitë është një pozicion i vështirë, pasi i duhet të bëjë një sërë sfidash për të treguar të vërtetën. Kryeministri ka verbuar edhe ndërkombëtarët. Rama ka investuar në media dhe jo vetëm, por edhe tek ndërkombëtarët për të krijuar një fasadë, e cila nuk është e vërtetë. Raporti i DASH ishte pasqyra më e saktë e asaj që ndodh në Shqipëri.  Më mirë vonë se kurrë, ndërsa opozita do ta çojë këtë deri në fund. Ne do t’i bëjmë thirrje shqiptarëve që me çdo mjet demokratik të pamundësojmë mbajtjen e zgjedhjeve farse. Ne do t’u kërkojmë që të marrin fatin e tyre në dorë. Zgjedhjet askush nuk mund t’ua vjedhë”, është shprehur Alibeaj.