Qeveria Rama premtoi që do të mbyllte më 17 maj, rrugën Tiranë-Elbasan, por investimi duket se është i destinuar jo vetëm të mos mbarojë kurrë, por edhe ta merret përpara nga reshjet e radhës së shiut.
Edhe pse ministrja e Infrastrukturës, Balluku tha se të gjitha punimet do të përfundojnë brenda vitit elektoral, çarjet e fundit në këtë segment tregojnë se edhe këtë herë çdo premtim do të mbetet në kuadrin e premtimeve propagandistike.
Pamjet e siguruara në fshatin Ibë të këtij segmenti tregojnë çarje në këtë segment, me rrëshqitje të vazhdueshme dherash, ndërsa zona mbetet e paqëndrueshme pavarësisht studimeve dhe masave të marra.
Punimet për segmentin Tiranë-Elbasan kanë nisur 8 vite më parë me një tenderim prej 300 milion dollarësh, ndërsa sot kostoja e rrugës ka shkuar 425 milion dollarë dhe nuk dihet se edhe sa milionë dollarë do ti kushtojë buxhetit të shtetit.
© SYRI.net