Banorët e “Unazës së Re” tashmë prej me shumë  se pesë muaj vijojnë protestën kundër shembjes së shtëpive të  tyre. Një ndër organizatorët më me zë të protestës, Dorian Protoduari  qëndron prej tri javësh i ndaluar në qeli i arrestuar menjëherë pas protestës së opozitës para parlamentit.

Mirëpo, është vëllai i Dorianit ai cili i ka dedikuar një mesazh në rrjetin social Facebook, ku i premton këtij të fundit se lufta e tyre në mbrojtje të lirisë dhe të drejtave është vetëm në fillim dhe se populli është çuar për të rrëzuar Ramën. Ndër të tjëra Mariglen Protoduari shprehet se:  “Dorian Protoduari kë valle cënove? Kujt valle keq i bëre? Për çfarë vallë të dënuan? Për lirinë e fjalës, për të drejtat e tua! Për mendimin kundër, për ti thënë vjedhjes STOP, për Shqipërinë Europiane që në duam sot! Bëj durim vëllai im bashkë me shokët e tu, bëj durim vëllai im se POPULLIT I ËSHTË ÇU!!!! Krenar për ty vëllai im. #Antikomunist #13Prill #UraganKombëtar.”

Kujtojmë se së fundmi,  Protoduari u la në qeli edhe nga Gjykata e Apelit, pavarësisht se ndaj tij nuk ka asnjë provë për dhunë të ushtruar ndaj policisë gjatë protestës.