Artisti i mirënjohur, Bujar Kapexhiu, nëpërmjet karikaturës-pamflet të radhës të botuar në gazetën 'Mapo' ka goditur sërish në shenjë, për një fenomen të turpshëm që po ndodh në skenën politike shqiptare pas braktisjes së kuvendit nga PD dhe LSI.

Bëhet fjalë për “tregun e ri” ku blihen deputetë, i cili është hapur pas vendimit radikal të opozitës, për të dorëzuar në bllok mandatet.

Në karikaturën në fjalë shfaqet kreu i Grupit Parlamentar i PS-së, Taulant Balla, me thirrjen: 'Blejmë deputetë të rinj', kurse në tezgën që mban në duar shihen deputetët që kanë pranuar mandatin, edhe pse nuk përfaqësojnë më partitë për të cilat u votua në zgjedhjet e vitit 2017.