Kryetari i PDK-së, Nard Ndoka, ka rrëfyer prapaskenat e marrëdhënies së dyshimtë të kryeministrit Edi Rama me kryebashkiakun e Tiranës, përtej ngrohtësisë që ata shpalosën në Kongresin Elektoral të PS-së pak ditë më parë.

Ndoka tregoi në emsionin 360 gradë të Artur Zhejit sesi Veliaj falë Sorosit, u bë “violinë e parë” dhe e spostoi Edi Ramën të dytin duke shprehur edhe ambicjen e kryebashkiakut për të marrë përgjegjësitë si Kryeministër.

Ja çfarë tregoi Ndoka në emisionin:

Ndoka: Në momentin që kishte një ftohje të marrëdhënieve ndërmjet Ramës dhe Veliajt – dihet publikisht se nuk komunikonin fare me njeri-tjetrin, nuk i ktheni përgjigje as sms-ve, nuk kishin bashkëpunim...

Zheji: A mos ka lidhje kjo me Presidentin amerikan Trump?

Ndoka: Po kjo është edhe lidhja e kësaj...

Zheji: Si hyri Trump këtu?

Ndoka: Po skema e Ramës dështoi, skema për kufijtë e Kosovës. Nuk do ta marrë medaljen e trimërisë as Rama, as Thaçi dhe as Vuçiç nga Trump. Dështoi ajo skemë dhe ra. Këtu u fut Soros dhe kjo ishte një goditje që i bëri edhe vetë Ramës duke inkurajuar Erion Veliajn.

Zheji: Erion Veliaj vazhdon t’i ketë sipas jush, marrëdhëniet me Sorosin?

Ndoka: Pa diskutim, është violinë e parë. Rama doli fare nga skema, violinë e dytë për momentin. Rama si mjeshtër i intrigës, i dërgoi një zv.ambasador të shtetit tonë që ta testonte Erion Veliajn në kulmin e kësaj ftohtësie dhe personazhi ishte prodhim i Sorosit në diplomacinë shqiptare, këta që dalin dhe mbajnë deklarata në favor të PS. Dhe i bëri një testim Erion Veliajt. I tha që "unë kam ardhur në emër të Sorosit, që situata në PS është shumë problematike, dy ministra të brebndshëm të lidhur me drogën dhe vazhdimësia e z. Rama në këto momente është e pamundur, nuk mund ta mbështesim"...

Dhe zoti Veliaj si naiv ra në grackën e Ramës dhe iu vetëofrua për zgjidhjen e konfliktit dhe tha se "jam i gatshëm të marr përgjegjësitë edhe si kryeministër. Madje, kam dhe suport dhe mbështetje në PS, që kam dhe Fatmir Xhafajnt dhe Gramoz Ruçin me vete, në krahun tim", tha më tej Ndoka.