Shkëlzen Berisha: Erion Veliaj refuzoi te dëshmonte për gjyqin ne Florida ‘Natyrisht unë do mohoja me fakte një histori me te cilen nuk kisha asnje lidhje por paragjykimi i juaj nuk ka lidhje me standardet e gazetarisë por me nevojen per t’i shitur publikut nje histori te trilluar sic do t’i vinte për shtat xhepit tuaj dhe jo te vertetes’, shkruan Shkëlzen Berisha në reagimin e tij që hedh pretendimet e gazetarit amerikan, Guy Lawson.

Guy Lawson: ‘Erion Veliaj ishte një nga burimet e mia, por siç argumentoi Gjykatësja Cooke në vendimin e saj, unë isha bazuar në shumë burime të tjera për të treguar përfshirjen e paditësit, si artikulli i ‘New York Times’, ‘Broward Beach New Times’, the ‘New Republic’, dokumentari i Al Jazeera-s ‘Plumba dhe Dollarë’, e-mail-e diplomatike që dolën në publik, në të cilat ambasadori amerikan e lidhte zotin Berisha me korrupsionin e tregtisë së armëve, si dhe intervista me shumë njerëz të tjerë, të cilët besojnë me bindje se zoti Berisha ka qenë i përfshirë në tregti korruptive me armë. Me pak fjalë, është një numër i stërmadh burimesh që e lidhin zotin Berisha’.

Shkëlzen Berisha: Nëse flasim për individë, qe kane shpifur ne lidhje me mua ashtu sic del fare qarte nga dokumentet qe ju keni sjelle para gjykatës, ne Shqipëri burimi juaj I VETEM ka qene Erion Veliaj. Ai është po ashtu i vetmi burim qe ka refuzuar te dëshmoje ne kete gjyq pavarësisht kërkesës se dërguar nga avokati im. Ju siguroj se, arsyeja nuk është frika nga une, por nga ligji!