Pak orë larg mitingut të Partisë Socialiste në Tiranë, ku ndër të tjera do të bëhet publik edhe konfirmimi i Erion Veliajt për të qenë kandidat i mazhorancës për zgjedhjet lokale për një mandat të dytë, rrjetet sociale ziejnë nga mesazhet e administratës publike, ku tregohet se si ushtrohet presion për të patur sa më shumë njerëz nesër në sheshin “Nënë Tereza”.

Por përveç tyre në rrjetet sociale po qarkullojnë edhe shumë meme që ironizojnë figurat e mazhorancës.

Një prej tyre, e punuar nga Genc Sejko, tregon edhe porosinë e Edi Ramës për ministrin e brendshëm Sandër Lleshaj, i cili në protestat e opozitës ka qenë shumë i zellshëm në përdorimin e gazit lotsjellës.