Aktori Laert Vasili dhe ish-deputeti demokrat Oerd Bylykbashi debatuan në studion e "360 Gradë" mbi protestat e opozitës.

Sipas Vasilit, Tirana 17 Marsit, që ishte në fest, ishte më e bukur se një ditë më parë, që përkonte edhe me protestën e opozitës.

Por ka ardhur menjëherë reagimi i Bylykbashit, që nuk kurseu notat e ironisë dhe shakasë me aktorin.

Ndlrkohë ka ndërhyrë edhe nënkryetari i LSI, Petrit Vasili, duke i kujtuar aktorit se festa e Ditës së Verës është m[ë datë 14 mars dhe jo 17.

Pjesë nga debati:

Laert Vasili: Nuk preferoj Tiranën e 16 marsit, preferoj Tiranën e 17 marsit.Ditën e Verës ku kishin ardhur nga gjithë qytetet për të festuar në Tiranë.

Oerd Bylykbashi: Unë isha shumë i shqetësuar me 16 mars për pizhamet dhe pemët e Erion Veliaj. Mos i prisheshin pizhamet.

Laert Vasili: Populli shqiptar ka nevojë për qetësi.

Petrit Vasili: O Laert po e kishim me 14 dhe jo me 17.

Laert Vasili: Populli shqiptar nuk ka nevojë për të rikrijuar një '97 tjetër, një krizë më të thellë ende politike dhe për të dhënë alarmin se jemi para një junte policore ushtarake. Ateherë secili të hapë përsëi depot e armëve dhe të armatosen shqiptarët. Siç është bërë thirrja e gabuar që nuk kam dëgjuar një mea-culpa.