Ministri Sandër Lleshaj u bë rezil sot nga studentët në Durrës, të cilët i kërkonin llogari për gazin lotsjellës që u hodhi gjatë protestave.

Por, detaji që shpëtoi pa u vënë re, ishte momenti kur ndërsa studentët i thërrisnin “Turp...Turp...Turp”, drejtori i Përgjithshëm i Policisë Ardi Veliu që ndodhet pas shefit të tij, përpiqet ta kapë prej mënge eprorin e tij, për ta shpëtuar nga sikleti ku ishte futur.

Siç shikohet edhe nga pamjet filmike, Ardi Veliu i thotë pa sukses nën zë Lleshajt disa herë që të ikin, ndërsa ky i fundit vazhdon përplasjen verbale me studentin që i thotë që “hë ça do bëni do na arrestojnë këto shoqëruesit e tu”.

Duke iu marrë goja, Lleshaj i drejtohet studentit me fjalët; “Pse ty do të të jap llogari se kur vij”, ndërsa Ardi Veliu duket i dorëzuar për ta tërhequr shefin e tij nga kjo bisedë turpëruese me studentët.