Pse nuk mund të ketë zgjedhje lokale me Ramën më 30 qershor!

Pse nuk mund të ketë zgjedhje lokale me Ramën më 30 qershor!

21:57, 18/03/2019

PS-ja po bën propagandë të madhe sikur po zgjedh kandidatët për zgjedhjet vendore per datën 30 qershor. Edhe OSBE pëllet partive që të marrin pjesë, ndërkohë që e di mjaft mirë se opozita nuk do të futet në këto zgjedhje. Bile ka informacione se nëse Rama nuk dorëhiqet deri në këtë datë, atëhere 30 qershori do jetë datë fatkeqe në Shqipëri, pasi krejt populli opozitar do të djegë çdo kuti votimi në vend. Kjo do të sjellë destabilitet dhe rrezik për konfrontim civil.

Ndaj duhet një zgjidhje politike, ku kryeministri të harrojë karriken e pushtetit që të ruaj shtetin dhe të krijojnë, me opozitën, një qeveri tjetër tranzitore e cila të ketë mandat politik dhe kushtetues nga forcat politike parlamentare. Dy objektiva do të ketë kjo qeveri: Plotësimin e kushtëve të BE për negociatat e qershorit për statusin kandidat si dhe zhvillimin e zgjedhje parlamentare të parakohshme në një ditë me zgjedhjet vendore.

Zgjidhje tjetër nuk ka, ndaj kot bërtasin e pëllasin nja dy ambasadorë në Tiranë, të cilët janë në sinkron me kryeministrin, por jo me realitetin shqiptar.

Zgjedhje me 30 qershor nuk do të ketë, pa opozitën. Opozita kërkon qeveri tranzitore, e cila të zhvillojë zgjedhjet parlamentare të parakohshme dhe ato vendore në një ditë. Dhe pa Edi Ramën kryeministër.

Më kot karikohen kandidatët e PS-së, pasi do të paguajnë kot paradhënie euro për të futur emrin te selia e PS-së.

Zgjedhje vendore nuk do ketë! (Marrë nga Koha Jonë)

© SYRI.net

Lexo edhe:

Komentet

Shto koment