Aktori i njohur i humorit Julian Deda, përmes një postimi në rrjetet sociale, ka reaguar ashpër lidhur me shkarkimin nga posti i drejtorit në Agjencinë e Trajtimit të Koncensioneve dhe PPP-ve të Ylli Dylgjerit.

Duke ironizuar heqjen nga puna, Deda shkruan se një gjest i tillë është diktatorial.

Ai shton më tej se, Kryeministri e ka privatizuar vendin dhe largon çdo njeri që nuk ka të njëjtën linjë mendimi si ai.

Postimi i plotë i Julian Dedës:

Oh me ne fund. E paskan shkarkuar nga puna Yllin? Sa mire ta paskan bere more Ylli Dylgjeri, se vete e ke kerkuar. Pse si kujtove ti, se mund te besh çfare te duash ne kete shtet? Ku kujton se je ketu ti, ne Amerike? Edhe te punosh ne shtet, edhe te shkruash kunder udheheqesit? Kujton ti se rroga jote paguhet nga taksat tona? Jo mor i poshter. Diktatori e ka privatizuar shtetin, prandaj te heq nga puna si, kur dhe per ç'arsye te doje. E ka kthyer shtetin ne aktivitet privat, e ka biznes te tijin, prandaj te heq nga puna, sepse thote "une i jap rrogen, ai me shan". Ne fakt ka te drejte, sepse ai na jep edhe rrogen, edhe frymen, edhe jeten dhe siç na i jep, ka te drejte edhe te na i marre, te treja. Po po edhe jeten, sepse ai eshte dielli yne. 
Rrofte diktatori, poshte armiqte...!