'Ramën e kërcënojnë me një video të manipulimit të votave'

'Ramën e kërcënojnë me një video të manipulimit të votave'

21:59, 04/03/2019

Kryetari i PD Lulzim Basha, i ftuar në emisionin “360 gradë”, ka zbuluar një detaj tronditës teksa u shpreh se kryeministri Edi Rama kërcënohet me një video të manipulimit të votave.

Sipas kryedemokratit, nëse në një vend të BE-së do të publikohej një nga qindra skandalet që kanë dalë këtu, qeveria do të binte.

“Në secilin prej vendeve të BE-së, nëse do të kishte ndodhur një nga këto qindra skandale që kanë dalë dhe dalin ditë për ditë, për secilin prej tyre do të kishte rënë qeveria. Kjo qeveri ka vetëm frikën e kriminelëve. Janë arrestuar disa kriminelë dhe janë liruar përsëri dhe shumë shpejt besoj do të keni prova për këtë gjë. Janë liruar sepse kanë treguar filmimet që kanë bërë zgjedhjeve të 2017-ës duke mbushur fletët e votimit dhe me këtë video kanë kërcënuar drejtpërdrejtë qeverinë, kanë kërcënuar Edi Ramën dhe vartësit e tij. Dhe unë besoj se shumë shpejt këto të dhëna do të publikohen nga media e lirë dhe e pakapur. E kuptoni ku kemi ardhur?! Është një kryeministër që i merr vendimet nga frika ose hatri i kriminelëve dhe oligarkëve. Nuk niset dhe as nuk bitiset me interesin e njerëzve, as për dëshirën për t’i shërbyer apo dashuri për popullin e vet, as për frikën ndaj popullit. Por këto janë dy motivet që ka një qeveritar: e bën për pasion, e bën për mision, ose e bën se ka frikë, se po se bëri nesër qytetarët do ta heqin me votë. Ky nuk ka asnjë nga këto të treja. Pse?! Sepse fatin nuk e ka lidhur me njerëzit, fatin e ka lidhur me kriminelët, fatin e ka lidhur me oligarkët dhe nga mëngjesi deri në darkë është në shërbim të tyre. Kjo duhet të marrë fund dhe do të marrë fund me largimin e tij, me një qeveri tranzitore dhe njerëzit do të vendosin me zgjedhje të lira, të padiktuara nga krimi, një parlament që t’ju përgjigjet atyre dhe një qeveri që t’ju përgjigjet atyre. Ky është realiteti i demokracisë”, u shpreh Basha.

© SYRI.net

Lexo edhe:

Komentet

Shto koment

Denonco