Pse presidenti i PE-s tha se ‘Shqipëria po shkon në luftë civile’

Pse presidenti i PE-s tha se ‘Shqipëria po shkon në luftë civile’

15:07, 03/03/2019

Nga Arben Malaj

Edhe me thonjëza Shqipëria nuk është në luftë civile.

Është e vertetë që situata sociale dhe politike në vend është në krizë. Çdo përpjekje për të mos e pranuar krizën apo për ta fshehur atë e thellon dhe e bënë më të gjatë krizën.

Po kështu është e vërtetë që vazhdimi i kësaj situata ku është bojkotuar parlamenti nga partitë opozitare, e dëmton jo pak ambientin ekonomik, social dhe politik të vendit tonë.

Është e vërtetë që ‘viktimat’ reale të kësaj mënyre të të bërit politike janë qytetarët e thjeshtë të cilët në tranzicionin tonë e gjatë dhe të lodhshëm ju kanë dhënë dhe ri-dhënë mundesinë për ti (mirë) qeverisur të gjitha partive politike dhe pjesës më të madhe të politikanëve aktual.

Është e vertetë që shume prej tyre e kanë filluar si demokratë, por kanë udhëhequr në demokraturë.

Është e vërtetë që zhgënjimi është rritur sepse është rritur abuzimi me pushtetin.

Është e vërtetë që qeveritë janë bërë më arrogante, shikoni protestuesit e Astirit dhe dhunën e gjobave

Është e vërtetë që kryetarët e bashkive dhe qeveritarët janë larguar nga hallet e njerëzve dhe janë afruar me qeverisjen me poza.

Është e vërtetë që ndërsa në fazat e para të tranzicionit sundonte korrupsioni, më vone është bërë kërcënues kapja e shtetit.

Është e vërtetë që shqiptarët janë të lodhur dhe të zhgënjyer dhe ata po zgjedhin më mirë të braktisin familjet dhe vendin e tyre të dashur, se sa të vazhdojnë të nëpërkëmbur.

Është e vërtetë që oligarkët po bëhen bashkëqeverisjes së vendit duke imponuar politika publike, projekte publike dhe fonde publike, aty ky ata pasurohen më shpejtë duke varfëruar më shumë klasën e mesme dhe e çuar në pragun e mbijetesës pjesën e varfër të shoqërisë.

Është e vërtete që e ardhmja jonë mund të jetë më e vështirë nëqoftëse qeverisja prodhon më pak rritje ekonomike, më pak punësim, më shumë deficit dhe borxhe tek individët, biznesi dhe ai publik

Eshtë e vërtetë që qeverisja me borxh dëmton të sotmen. Me borxhe më të mëdha dhe nesër më të rënda, mund të vështirësoj të ardhmen e gjeneratave të ardhshme.

Është e vërtetë nuk ka gjë më të dhimbshme për çdo familje, për çdo vend, për çdo komb se braktisja nga fëmijët e tyre, të cilët ikin duke mallkuar politikanët, por me lot në sy për mallin për familjet dhe vendin e tyre.

Ka shumë të vërteta të hidhura të cilat duhet të na zgjojnë nga gjumi.

Por edhe pse është kjo situatë ka ashtu një të vërtetë të madhe- Me apo pa thonjëza Shqipëria nuk është dhe nuk duhet të shkoj në konflikt civil dhe aq më pak në lufte civile.

Një politikan i nderuar si Trajnani, Presidenti aktual  parlamentit europian, mund të mos e përmendte luftën civile në deklaratën e tij.

Pasi kjo deklaratë edhe me thonjëza mund të tingëllojë joshëse për radikalët dhe ekstremistët dhe si një mundësi për territore të reja. Kjo bëhet edhe më e ëmbël për ata që mbështesin apo parapëlqejnë opsionin e një pranverë shqiptare apo ballkanike.

Pranvera arabe nuk duhet të jetë një opsion për vendet e Ballkanit Perëndimorë.

Lufta kundër korrupsionit, lufta kundër kapjes së shtetit, lufta kundër lidhjeve me krimin e organizuar në ekonomi dhe politike prodhon efekte pozitive më shumë se çdo ballafaqim civil.

Është e vërtetë që mungesa e eficencës së institucioneve te forta, mungesa e shtetit ligjor ka ushqyer sëmundjet e rënda të demokracisë tonë.

Kultura jonë demokratike dhe politike sado e dobët që është aktualisht duhet të eliminoj dhe të mos ushqejë kurrë opsione te konflikteve apo ‘luftë civile’.

Në shekullin e 21 asnjë objektiv politike nuk synohet të arrihet me konflikt apo luftë civile. Demokratizimi i informacionit, demokratizimi i pjesëmarrjeve te drejtpërdrejta të grupimeve politike ose shoqërore për ta përmirësuar qeverisjen e vendeve të tyre, janë ‘armët’ demokratike shumë më efektive së konfliktet apo ‘luftërat civile’, të cilat lënë pas pasoja të rikuperueshme në ndarjet, politike që keqpërdorin ndasitë partiake, krahinore, etnike apo fetare.

Kundër paralajmërimeve edhe me thonjëza për konflikte apo luftëra civile të gjithë faktorët politikë, akademikë, shoqërore dhe të biznesit duhet te angazhohen që me negociata, kompromise, konsensuse, me zgjedhje dhe rizgjedhje ti largojnë retë e zeza në horizontin e të ardhmes euroatlantikt të vendit tonë dhe të rajonit të Ballkanit Perëndimor.

© SYRI.net

Lexo edhe:

Komentet

Profesori 03/03/2019 20:10

Zoteri Arben. Ti e di qe pa shkaqe nuk ka pasoja . Dhe shkaqet jane te thella te kahershme, qysh kur iu mor prona dhe jeta me gryken e pushkes mijera familjeve shqiptare te pafajshme nga baballaret e ketyre qe sot jane trashegimi e tyre ... Eh , Arben , Arben! Ben mire te thuash ndonje fjale te shendetshme per ekonomine, se dhe aty te gjithe jeni mbetesa!

lame kodra03/03/2019 18:12

Me behet qejfti Arben qe paske mesuar me ne fund Anglisht dhe Italisht. Dikur lije kokrren e namit duke mbajtur shenime ne takimin me Drejtorin e Bankes Boterore per EuroAzine pa perkthyes dhe pa ditur Anglisht. Urime!!!!!!

shqiptar03/03/2019 15:54

Pa kaluar në pohime e mohime të këtyre të vëertetave, përse të mos shtojmë pyetjen e thjeshtë : A është më mirë që në Shqipëri të ketë "luftë civile" apo ndërmjet dy forcave politike në përpljasje, si zgjidhje të gjendet, largimi nga pushteti i një lideri të papërgjegjshëm që e ka sjellë këtë situatë e të bëhen zgjedhje të parakohëshme të rregullta të pa kontestuara nga asnjera palë ? Jo më si një artist i niveleve nën mesataren siç është Rama, por edhe sikur të ishte piktori gjenial më i shquar i të gjitha kohërave në botë, përse u dashka që të quhet një kryeministër i pazëvëndësueshëm, qoftë edhe kur 30% e qytetarëve e urejnë e i kërkojnë ikjen e tij me protesta ?

Londra03/03/2019 15:45

Analize shume e dobet! Lufta civile ne nje vend ndodh kur ka perplasje midis grupeve te ndryshme shoqerore, ndersa ne rastin konkret e vetmja perplasje eshte midis popullit dhe rilindasit te bllokut komunist , qe per cdo dite irriton njerezit dhe do i beje te pameshirshem per ta flakur si lecke nga uzurpimi i istuticioneve!

shqiptar03/03/2019 15:44

Pa kaluar në pohime e mohime të këtyre të vëertetave, përse të mos shtojmë pyetjen e thjeshtë : A është më mirë që në Shqipëri të ketë "luftë civile" apo ndërmjet dy forcave politike në përpljasje, si zgjidhje të gjendet, largimi nga pushteti i një lideri të papërgjegjshëm që e ka sjellë këtë situatë e të bëhen zgjedhje të parakohëshme të rregullta të pa kontestuara nga asnjera palë ? Jo më si një artist i niveleve nën mesataren siç është Rama, por edhe sikur të ishte piktori gjenial më i shquar i të gjitha kohërave në botë, përse u dashka që të quhet një kryeministër i pazëvëndësueshëm, qoftë edhe kur 30% e qytetarëve e urejnë e i kërkojnë ikjen e tij me protesta ?

Krist03/03/2019 15:40

Arben ,te paska bere pershtypje deklarate e presidentit te BE,per luften civile?Po na cudit,me cudine tende,megjithese pasojat e qeverisjes i rreshtove pa gabime.Po deklaratat e delegacionit te BE qe bene ne Tirane,nuk te kane bere fare pershtypje?Nuk to t'i rendis te gjithe ,por te pakten,mosnjohja e atij delegacioni,i realitetit shqiptar,qe ti e pershkrove bukur,nuk te cuditi.Po mos njohja e dosjes 339,qe eshte bere e njohur deri ne Amerike,dhe ai delegacion nuk e paska marre vesh.Po raporti i ODHIRIT,qe 20 % e votave kane blere,nuk i kishste shkuar ne vesh?Po heshtja e plote e prokurorise,ndaj bemave te rilindjes,akoma nuk e kane kuptuar.Pra per te gjitha keto "absurditete"te delegacionit te BE,si nuk na fole nje fjale,more Arben djali?Ti vete je edhe njeriu (prej nje vendi qe luften civile,nuk e ke per )dhe ben pjese ne anen e partise qe gjithashtu,luften civile e "ka xhan",e keni treguar ne disa raste.Te paska bere keq fjala e Presidentit te PE,sa cudi.Ke bere mire,qe u largove (apo te larguan) nga politika,merru me zanatin qe thua se e ben me mire.

tironci03/03/2019 15:32

Epo ta kpusi qafen personi pergjegjes i gjith te kqiave qe rreshto tina. O Edi kanabisi qe i ka bo kto. Pranej mos na shesi mo pordhe e tna qisi tau ballat qe bertasin si Geringu se perdryshe do ja boj mileti sic ja bon Kadafit O mledh lomshi keq e po se kputi qafen Rama dyfeku ka me kercit.

t03/03/2019 15:22

drejtoja keto postulater tames dhe te shikojme ne se do degjoje apo jo.cfare beri berisha ne 97 per te mos e leshuar pushtetin.te njejten gje po ben edhe rama por nuk ka arritur akoma kulmi

Shto koment

Denonco