Pas deklaratës së kreut të Kuvendit, Gramoz Ruçi, sipas të cilit, opozita po kërkon të marrë pushtetin në tavolinë, ka mbërritur edhe reagimi i deputetit të LSI për Shkodrën, Agron Çela.

Çela i kujton Ruçit se si iu mor pushteti në vitin 1991.

"Po kush po thotë se pushteti nuk merret në tavoline, shoku Gramoz Ruçi, të cilit ne ja kemi marrë në tavoline në vitin 1991. Duhet ti kujtohet edhe t'ja perserisim edhe një herë. Ne shkodranët e dijmë mirë", thuhet në reagimin e deputetit shkodran të LSI-së.

"Ultimatumet nuk janë demokratike. Pushteti nuk merret në tavolinë. Prej pesë vite e gjysmë gëzon sot atë që maxhoranca kur ishte në opozitë e kërkojë e nuk e mori dot, kohën e barabartë të të folurit.”,  ishte shprehur më herët Ruçi në një prononcim për mediat nga ambjentet e Kuvendit.