Ambasada e Kosovës në Tiranë sonte ka organizuar pritje me rastin e 11 vjetorit të shpalljes së Pavarësisë së Kosovës.
Në këtë ngjarje, e cila organizohet çdo vit nga ambasada kosovare, kanë marrë pjesë shumë personalitete nga jeta politike dhe shoqërore e Shqipërisë.
Mirëpo, ajo që bie në sy për të keq është mungesa e ministrit të Jashtëm në detyrë të Shqipërisë, Gent Cakaj.
Ministri Cakaj, i cili është nga Kosova, nuk ka marrë pjesë në këtë ngjarje, gjë që e thyen traditën e mëhershme.
I pranishëm ka qenë ish ministri i Jashtëm, Ditmir Bushati.
Edhe në ceremonitë e mbajtura viteve të kaluara nga ambasada e Kosovës në Tiranë, ministrat e Jashtëm të Shqipërisë nuk kanë munguar asnjëherë.
© SYRI.net