VIDEO/ Kreu i opozitës përballet me pogradecarin mosbesues, ndiqni dialogun e Bashës me Spartakun

VIDEO/ Kreu i opozitës përballet me pogradecarin mosbesues, ndiqni dialogun e Bashës me Spartakun

12:06, 12/02/2019

Kryetari i Partisë Demokratike Lulzim Basha është përballur sot në qytetin e Pogradecit, sapo nisi takimet me qytetarët, me një tregtar të zhgënyer nga qeveria dhe mosbesues edhe ndaj opozitës.

Tregtari, pa ndrojtje, ia bëri të qartë Bashës në sy: “Më thuaj hapur, t’i mbaj dokumentet e pronave që më takojnë e s’mi kanë kthyer apo t’i hedh?! Opozita pse nuk ka folur kaq vite për pronat?! Unë jam shumë i dëmtuar, sepse kam 85 dynymë që s’po i marr dot.

Basha: Spartak, arsyeja pse nuk e ke dëgjuar fjalën tonë është se mediat janë të kapura. Ne kemi mbajtur qëndrime të qarta në parlament. Më dëgjo, pastaj më thuaj.

Spartaku: Jo, keni folur aty këtu ndonjë fjalë, por nëse do ta kishit prioritet...

Basha: Më dëgjo çfarë dua të them, më dëgjo, sepse je viktimë e propagandës së qeverisë. Ne jo vetëm kemi protestuar, por e kemi çuar në Strasburg për pronarët. Mos më kërko si opozitë atë që ka detyrë qeveria! Pra, e kemi kundërshtuar tre herë. Të garantoj dhe e kam thënë, ndoshta qëndron kritika jote dhe unë ndaj do ta përsëris, se ligji që ata kanë bërë është rishpronësim.

Spartaku: Të lutem m’u përgjigj, t’i djeg dokumentat apo t’i mbaj?! Sepse nga këta s’kam më shpresë.

Basha: Absolutisht , ta thashë që duhet t’i mbash. Por duhet ta dish që mesazhet e opozitës bien shpesh pre e propagandës së qeverisë. Ky ligj do të anullohet! Hera e tretë që po të them po, mbaji dokumentet. Ne e kemi luftuar këtë ligj dhe ditën kur të na besoni me votë, ne do ta anullojmë këtë ligj. Ndaj ka rëndësi më 16 shkurt, që ta mbyllësh disa orë dyqanin e të jesh ën Tiranë. Se pa çliruar zgjedhjet, nuk ke...Beteja e 16 shkurtit është për t’u rikthyer diçka tjetër shqiptarëve, që ju janë vjedhur pronat, por ju janë vjedhur edhe zgjedhjet. /ar.sh/SYRI.NET

© SYRI.net

Lexo edhe:

Komentet

sopiqoti12/02/2019 15:11

O luzim ,dereziu ! Ke dale si " prifti me kusicke ".Po i mbush mendjen qytetareve mre brockolla.Po o na mbush mendjen se "" kur te behesh ti( ne u befsh) kryeminister edhe qielli do te zbrazet me te mira per kete popull.E pame qeverisjen tende ne bashkine e Tiranes dhe po e krahasojme me punen e kryetarit te tanishem.Nje gozhde nuk ngule ku Ishja te varte plencin.Ne vend qe te kerkosh ndjese per vrasjern e 4 qytetareve ne mes te bulevardit e te shkosh me kembet e tua para drejtesise po na servir parajsen qe na pret nen qeverisjen (!) tende.

Shto koment