Edhe pse e ka bërë Gjermaninë si ‘shtëpinë e tij’ për të hapur ekspozita, u bë e disata herë që Edi Ramën nuk e pret politikisht askush.

Herë pas here këto vizita artistike të Ramës, i shfrytëzojnë mediat vendase të cilat më shumë tallen me delirin e tij.

Edhe në intervistën e fundit për gazetën gjermane ‘Die Welt’, duke u përpjekur që të shfaqet si eksibicionist, Rama edhe postin e kryeministrit e sheh në këndvështrimin e çmendurisë dhe marrëzisë së tij.

I pyetur nga gazetari se çfarë do të thotë që të udhëheqësh një vend, që të jesh përgjegjës për të, Rama thotë se këtë përgjegjësi e sheh dhe e trajton si një mënyrë jete, të çmendur dhe të egër!

‘Është jeta e çmendur dhe e egër e një njeriu, që duhet të merret njëkohësisht me një numër të jashtëzakonshëm fatesh dhe temash. Nuk është më e lehtë që të menaxhosh një vend të vogël sesa të drejtosh një vend të madh, shumëkush nuk e imagjinon’, i përgjigjet pyetjes ‘i marri’ që drejton vendin Shqipërinë.