Rama paralajmëron BE, si Lavdrim Muhaxheri: Ditë të këqija do vijnë për ju

Rama paralajmëron BE, si Lavdrim Muhaxheri: Ditë të këqija do vijnë për ju

11:12, 24/01/2019
A+ Aa A-

Kryeministri Edi Rama vazhdon të hapë ekspozita në Gjermani. Këtë herë, gazeta Die Ëelt shkruan se ai do hapë ekspozitë në Berlin. Në një intervistë për gazetën, Rama flet për ‘dashurinë e tij për kancelaren Merkel’, edhe pse duket se takimet mes tyre po mungojnë. Ndiqni më poshtë një pjesë të intervistës:

Çfarë keni bërë sot në detyrë me cilësinë e kryeministrit?

Kam ndërruar disa ministra, rreth 70 përqind prej tyre. Kemi thuajse një qeveri të re tani që po flasim.

Cila është arsyeja? Tingëllon si një krizë qeveritare?

Herë pas here kemi nevojë për energji të re, për lojtarë të rinj në fushë, në mënyrë që të mos bëjmë të njëjtin gabim si kombëtarja gjermane e futbollit pas fitores së Kupës së Botës.

Që u eliminua në mënyrë të turpshme që në raundin e parë pas katër vitesh. Juve ju pëlqen të përdorni metafora sportive, keni luajtur vetë basketboll profesionist. Biografinë e keni të pazakontë. Keni studiuar art përpara se të bëheni kryebashkiak dhe më pas kryeministër. Ku dallon sporti me artin?

Të dyja janë ekzistenciale për mua. Nuk mund të krahasohen. Si artist, punoja tërësisht në vetvete, diçka e brendshme. Në sport punoj jashtë, me të tjerët, për të arritur diçka të përbashkët.

Si kryebashkiak ju i keni lyer godinat gri me ngjyra për të dhënë shpresë tek njerëzit në Tiranë. Në atë kohë bëri shumë përshtypje dhe u krijua ideja se arti mund të ndryshojë shoqërinë në mënyrë të qëndrueshme, ndoshta edhe ta përmirësojë atë. A besoni akoma tek kjo? A është artisti një politikan më i mirë?

Arti nuk mund të ndryshojë shumë gjëra. Ndoshta shkoj larg kur them: nuk ndryshon asgjë fare.

Prisja më shumë idealizëm nga goja juaj.

Po pra, arti nuk është në gjendje të parandalojë gjëra të këqija si lufta, dhuna apo konfliktet. Nuk i bën njerëzit më të mirë. Unë thjesht nuk e besoj këtë. Nuk di ndonjë poezi që ka ndaluar ndonjë gjakderdhje. Nuk di që ndonjë pikturë të ketë ndaluar bombat. Natyrisht, unë vlerësoj skulpturat që adresojnë racizimin dhe që ju bëjnë të vetëdijshëm për një tjetër lloj frike.

Çfarë do të thotë që të udhëheqësh një vend? Që të jesh përgjegjës?

Është jeta e çmendur dhe e egër e një njeriu, që duhet të merret njëkohësisht me një numër të jashtëzakonshëm fatesh dhe temash. Nuk është më e lehtë që të menaxhosh një vend të vogël sesa të drejtosh një vend të madh, shumëkush nuk e imagjinon. Shpejtësia e komunikimit është e jashtëzakonshme dhe qasja e njerëzve për mua është shumë e drejtpërdrejtë dhe intensive. Unë vazhdimisht shqyrtoj, gjykoj, marr vendime dhe zhvilloj strategji për të gjetur një mënyrë që vendi ynë të arrijë qëllimet. Toka në të cilën lëviz është gjithmonë në lëvizje. Është si një lojë globale shahu.

A jeni të kënaqur me veten?

Të mbash postin e kryeministrit është një punë e vështirë. Por nëse do isha i kënaqur, nuk do isha i duhuri për këtë post. Është diçka që duhet të shkojë më tej. Edhe nëse vetë do isha i kënaqur, nuk do ndalesha kurrë, nuk më shkon për shtat. E njëjta gjë është në art. Unë vazhdoj të vizatoj.

Ju udhëtoni shpesh nëpër Europë dhe botë. Si po evoluon Europa?

Do të bëhet shumë më keq përpara se të bëhet sërish mirë. Për fat të keq, nuk mund të lexoj filxhanin e kafesë, e di që ka politikanë të tjerë që besojnë se janë të aftë ta bëjnë këtë. Unë nuk u përkas atyre. Me të vërtetë nuk mund të parashikoj të ardhmen.

Çfarë mund të bëjmë tjetër për demokracinë në Europë?

Nëse mund të jem i sinqertë me ju, jo aq shumë. Po u them diçka nga këndvështrimi im. Deri më tani kemi qenë jashtëzakonisht me fat pasi kemi punuar e jetuar në një kohë me kancelaren gjermane, Angela Merkel. Po, bashkë me Angela Merkel dhe Gjermaninë. Unë sinqerisht shpresoj që ajo të qëndrojë me ne, pasi vizioni i saj nuk humb kaq lehtë. Shpresoj shumë që Gjermania ta kuptojë se nuk është vetëm përgjegjëse për të ardhmen e fëmijëve gjermanë, por edhe të Europës dhe më gjerë. Bëhet fjalë për çështje pushteti mbi të gjitha.

Dhe cila është qasja e vendit tuaj, e popullsisë?

Ende e duam Evropën. Jemi gjithmonë të gatshëm për të dhënë PO. Jemi akoma të dashuruar pasi nuk jemi martuar akoma. Pas martesës do e shohim nëse do jemi ende të lumtur.

 

 

© SYRI.net

Lexo edhe:

Komentet

toni24/01/2019 15:11

shporreni ket skico fren sa nuk eshte vone ,se do marrim te gjith epitet si budallenje,se si trafikante dhe hajduter e kemi te varur ne korriz,shporreni sot se neser kur ky te na delegoje te gjth kabinetin me ato qe e hypen aty ,kjo nuk eshte qeverisje ;;ndyshe sipas kryetarit,,,,,ruci.Kjo eshte qeverisje skicofrenije me kryetar scicofren. E majta do te mbaj pergjegjesi,ne qofte se do kete te majte socjaliste ndonje here.

Gramoz24/01/2019 14:51

Si sportist, te hanje mune, talleshe gjith pallati sportit me ty, te mbanin vetem se ishe nipi barba Spiros dhe biri i Kristaqit, si piktor po dihen boterisht shkarravinat e tua te socrealizmit, si minister kulture ishe fare pa lidhje se nuk ke asnje lidhje me kulturen, si kryetar bashkie do mbahesh mend si nje hajdut ordiner dhe shkaterrues i qytetit ku linde ti mister 20%. Me ne fund edhe si kryezorraxhiu i ketij vendi qe po e çon, keq e per dreq.

Labi24/01/2019 12:30

Përfundimish kryeministri ynë i shtrenjtë....KQ VAJTUR PER LESH

Shto koment

Denonco