Kreu i grupit parlamentar të LSI-së, Petrit Vasili ka reaguar pas deklaratave të sotme të ministres së Drejtësisë, Etilda Gjonaj, në lidhje me skandalin e përgjimeve për emërimet në burgje.

Sipas Vasilit, ministrat konkurrojnë se kush e kush të gënjejë më shumë, që të barazohen me shefin e tyre, Edi Ramën.

Reagimi në Facebook i Petrit Vasilit:

Ore po a ka turp kjo Ministrja e Drejtësisë kur hedh poshtë akuzat për punësimet e partisë.

Apo kanë ikur të gjithë nga mëndët me keq se Edi Rama, që e ka gënjeshtrën mënyrë jetese.

Këta flasin të gjithë si idiotë.

Lexojeni vetë dhe gjykojeni vetë paturpësinë e këtyre, që është turp ti quash ministra.

Në përgjimet jo të opozitës, por të prokurorisë ja ç'thotë Arben Çuko ish-drejtor i Përgjithshëm i Burgjeve:

‘Ki parasysh që Lushnja nuk ka asnjë vend bosh, Fieri ka 20 vende dhe kanë sjellë 200 veta.

Testimi këtë herë u bë me 1358 veta dhe të gjithë ishin listat e partisë.’

Ja ç’thotë kjo ministrja e drejtësisë e Edi Ramës në garë për tu bërë më gënjeshtare se ai:

‘Hedh poshtë akuzat për emërime partiake në burgje. Procesi i punësimeve në burgje ka qenë dhe mbetet procesi më meritokratik. Procesi i punësimeve ka qenë u hapur transparent për të gjithë’.