Lajmi i fundit

VIDEO e SKANDALIT/ Nuk i pëlqeu pyetja, Rama shtyn gazetaren e SYRI TV, Ambrozia Meta

Studentë lexojeni/ Kryeministri dhe mediat po ju mashtrojnë. Janë në panik

Studentë lexojeni/ Kryeministri dhe mediat po ju mashtrojnë. Janë në panik

11:56, 14/12/2018
A+ Aa A-

Rektori i Universitetit të Tiranës Mynyr Koni i është përgjigjur akuzave të djeshme të bëra nga Edi Rama në një takim me rektorët e universiteteve në Shqipëri.

‘Të mundohesh të ndryshosh rrjedhën e gjërave, të mundohesh të gjesh dhe të bësh ‘fajtor’  pa faj, nuk është gjë tjetër veçse  një përpjekje e dështuar që tregon vetëm frikë dhe asgjë tjetër’, thuhet në një deklaratë për mediat të shpërndarë nga Rektorati i Universitetit të Tiranës.

Deklarata e plotë e Mynyr Konit:

I detyruar nga akuzat tepër të rënda dhe sjellja  e Kryeministrit ndaj personit tim në takimin e ditës së enjte, datë 13 Dhjetor 2018, të mbajtur me autoritetet drejtuese të fakulteteve dhe universiteteve publike ne vend, ju bëj me dije se;

Në fakt është shumë e kuptueshme arsyeja dhe qëllimi i gjithë çfarë është bërë gjatë këtyre ditëve në adresën time dhe që në fakt ka filluar shumë kohë më parë. Këtë e kam ndjerë dhe e kam kuptuar shumë qartë.

Të mundohesh të ndryshosh rrjedhën e gjërave, të mundohesh të gjesh dhe të bësh ‘fajtor’  pa faj, nuk është gjë tjetër veçse  një përpjekje e dështuar që tregon vetëm frikë dhe asgjë tjetër.

Zoti Kryeministër,

Në asnjë ditë të punës time  si Rektor i Universitetit të Tiranës nuk jam ‘arratisur’ nga përgjegjësia, por përkundrazi. Në mënyrë të vazhdueshme, kam paraqitur problematikat (që Ju vetëm tani po i pranoni se ekzistojnë) në të gjitha institucionet e Shtetit Shqiptar, përfshirë edhe Ju.

Akuzat që ju bëni, tregojnë shumë qartë se Ju nuk e njihni ligjin e arsimit të lartë 80/2015.

Të njëjtën gjë bëni edhe me çështjen e tarifës së provimeve të mbartura të studentëve, për të cilën, Senati Akademik i UT, ka deklaruar se nuk ka bërë asnjë kërkesë për vendosjen  e saj.

Në çdo rast, Ju ushtroni presion, intimidoni, ironizoni dhe  shantazhoni, jo vetëm në mënyrë të drejtpërdrejtë por edhe nëpërmjet mediave që janë pranë qeverisë, duke mos i dhënë mundësinë askujt, në rastin konkret mua, të shprehem dhe të them të vërtetën se çfarë realisht po ndodh në Universitetin e Tiranës.

Është e vërtetë që në Universitetin e Tiranës, ka patur probleme të brendshme, të inskenuara nga kasta drejtuese e vjetër e universitetit, për qëllime të caktuara, që fatkeqësisht kanë gjetur mbështetjen nga institucionet më të larta të Shtetit Shqiptar. Në Universitetin e Tiranës në asnjë rast nuk ka patur bllokim, sikurse mundoheni ta paraqisni Ju, në mënyrë që të justifikoni  dhe të shtrembëroni arsyet e vërteta të protestës së studentëve.

Ju po deklaroni sot, se duhet të shkarkohen anëtarët e Bordit të Administrimit, kurse unë, në mënyrë të vazhdueshme i kam kërkuar Ministres së Arsimit, Sportit dhe Rinisë të marrë masat e nevojshme për çfarë Ju keni konstatuar sot, si një dështim të funksionimit edhe të Bordit të Administrimit të Universitetit të Tiranës.

Bordi i Administrimit të Universitetit të Tiranës, nëpërmjet Administratorit të UT (aktivist në fushatat elektorale të Partisë tuaj), është përpjekur sistematikisht të pengojë zhvillimin normal të punës.

Në fakt arsyeja që unë luftohem është pikërisht njohja shumë e mirë e ligjit të arsimit të lartë, dhe jo vetëm,është përgjegjshmëria e lartë dhe përkushtimi në punë që më karakterizon, dhe mosbërja palë në interesa të caktuara.

Të nderuar kolegë dhe studentë të UT,

Ju siguroj se në çdo ditë të punës time si Rektor i Universitetit të Tiranës, do të vazhdoj të udhëhiqem nga morali dhe integriteti i lartë personal dhe profesional dhe nuk do t’i gjunjëzohem askujt dhe për asnjë arsye, sikurse kam vepruar deri më sot.

Nëse për Kryeministrin dhe qeverinë që ai drejton, protesta e studentëve është një shuplakë, për mua është një shprehje e lirisë dhe demokracisë, dhe si e tillë është një fitore.

© SYRI.net

Lexo edhe:

Komentet

cuco17/12/2018 14:51

Kur fjale ka shume pune ka pak. Kuptohet qe rektori ka te drejte,kur dihet qe nga kryellumi, lum do dale. Si i tille, i pa cipe qe eshte,fjalet per ate, jo vetem qe nuk kane asnje efekt, por i rrisin prestigjin ( sipas tije dhe skizofrenise qe vuan). Ka kohe qe flitet ne ere. Pa e shporrur nga qeveria, per fjale ky do rrije ne pozite deri diten qe do vdese.

shqiptar14/12/2018 15:52

Fredi ! Nëse e ke ndjekur ate "takim" me rektorët e dekanët, Rama nuk lejoi asnjë prej tyre që të fliste por mbajti një monolog prej aktori diletant dhe e mbylli "takimin" me gënjeshtrën e trashë se po e mbyll "dialogun". Mos haro gjithashtu se ky farë "takimi" u transmetua direkt nga ERTV, televizioni privat i kryeministrit.

altini14/12/2018 15:08

Thjesht per kuriozitet. A pati ndonje rektor apo dekan qe nuk mori pjese ne mbledhjen e thirrur nga Rama? Trima pas kuvendit dalin plot. Dje e qepen gojen dhe degjuan monologun e atij qe kishte me pak arsim ne ate salle.

Fredi14/12/2018 12:04

Po ku ishe dje o Rectori Memec i Universitetit.Pse sja the ne sy Kryeministrit.Po rinit si te denuar te frikesuar.Cfare morali ke ti sot me letra ne shtp.FRIKACAK para nje krimineli

Shto koment

Denonco