Provohen me zë dhe figurë disa pretendime prej gjimnazistëve të “Sami Frashërit” në Tiranë , të kërcënuar nga drejtoresha,  Teuta Dobi, në rast se do të marrin pjesë në marshimin drejt Ministrisë së Arsimit.

Kjo eshte video nga mbledhja qe drejtoresha Dobi ka zhvilluar me Senatin e klasës.

Herë me tone miqësore, duke i folur si ‘shoqe’ por herë në pozitat e titullares, Dobi u thotë nxënësve, se do garantojë me jetën e saj që askush të mos marrë pjesë në protestë.

'Jua garantoj me jetën time, se unë nuk do lë asnjë këmbë nxënësi që të dalë atje, sa ka mësim' dëgjohet të thotë drejtoresha Dobi në mbledhje me Senatin e Shkollës, ndërsa lexon thirrjet e bëra në rrjetet sociale, për pjesëmarrjen në protestën e sotme.