Një moment prekës është shfaqur Live nga mediat nga protesta e studentëve që po protesojnë përpara Ministrisë së Arsimit: disa arka me bukë  po qarkullojnë në mes të studentëve dhe u afrohen falas atyre.

Janë bukë që qytetarët dhe bizneset kanë përgatitur për të rinjtë protestues dhe po kontribuojnë në këtë mënyrë në mbështetje të  protestës së tyre.

Të rinj me arka të mbushura me bukë, sanduiçë dhe portokalle po e përshkojnë fund e krye, turmën e madhe të të rinjve, që sot janë ditën e tetë të revoltës së tyre dhe që pritet të jetë më kulmorja.