Vijojnë thirrjet e mijëra studentëve që janë vendosur përpara ministrisë së Arsimit. Në një kohë që ende nuk ka arritur pika kulmore e protestës, Fax Neës ka siguruar pamjet me dron të kësaj proteste, ku shihet qartë pjesëmarrja masive e studentëve.

Derimë tani protesta ka qenë qytetare, dhe nuk është shënuar asnjë incident.

Studentët kanë qenë të qartë ata do të tërhiqen vetëm kur kreu i qeverisë të plotësojë listën e kërkesave të tyre.

Afati i fundit përpara se protesta të përshkallëzohet është ora 16:00 e pasdites së sotme. Ndërkohë që kreu i qeverisë Edi Rama i ka ftuar sërish para pak minutash studentët në dialog, duke thënë se kjo është e vetmja rrugë që çështja të zgjidhet.