Deputeti socialist, Fate Velaj, ka bërë një tjetër gafë historike ditën e djeshme ndësra ishte duke uruar festën e çlirimit, gjatë homazheve në varrezat e dëshmorëve në Vlorë.

Velaj tha se dje ishte 70 vjetori i përfundimit të luftës në Shqipëri, kur në fakt është viti i 74-t.

‘Dua t’ju uroj të gjithë veteranëve të luftës, të gjithë pasardhësve të tyre, të gjithë popullit të Vlorës gëzuar festën. Ata bënë një punë të madhe që të ishim sot për 70 vjet në një paqe që nuk ka ndodhur ndonjëherë në historinë e Evropës’, tha Velaj.

Por kjo nuk është gafa e parë e Velajt, pasi në 24 maj të këtij viti ai tha gjatë një emisioni politik se Italia nuk është pjesë e Bashkimit Evropian.