Kryetarja e opozitës, Monika Kryemadhi, ka paralajmëruar oligarkët e kryeministrit Edi Rama, të cilët kanë fituar tenderin për të marrë 40 milionë eurot për ndërtimin e 2.2 kilometrave rrugë në Unazën e Re.

Në një lidhje direkte me emisionin ‘360gradë’, Kryemadhi tha se në Unazën e Re askush nuk ka në plan e as si qëllim që të bëjë rrugën, por duan të prishin shtëpitë për të hapur sheshe ndërtimi.

‘As Salillari as Bashkim Ulaj, mos guxojnë të çojnë fadroma tek shtëpitë e qytetarëve sepse do ta kenë punën pisk. Po të duan le të çojnë fadromat tek shtëpia e Edi Ramës. Aty po i shkatërrojnë shtëpitë e shqiptarëve për të hapur sheshe ndërtimi, sepse rruga nuk është fare aty’, tha Kryemadhi.