Lajmi i fundit

LIVE/ Mblidhet Këshilli Bashkiak i Himarës për drejtuesin e ri

Kryediplomatja amerikane në Tiranë kërkon 'koka' zyrtarësh të lartë, i rikujton Ramës edhe Balilin

Kryediplomatja amerikane në Tiranë kërkon 'koka' zyrtarësh të lartë, i rikujton Ramës edhe Balilin

14:27, 12/11/2018
A+ Aa A-

Kryediplomatja e ambasadës amerikane në Tiranë, në pritje të ambasadorit të ri, E ngarkuara me punë e ambasadës së SHBA-ve, Leyla Moses-Ones, në një intervistë për gazetën “Panorama” ka këmbëngulur  se autoritetet shqiptare, në luftën e tyre ndaj krimit të organizuar duhet të godasin përfituesit e vërtetë të kësaj veprimtarie, pavarësisht nëse ata janë kriminelë apo zyrtarë. Sipas zyrtares së lartë amerikane, kërkohet që të ketë ndjekje penale të bosëve të njohur të krimit, vazhdimin e hetimeve të profilit të lartë dhe në fund arrestimin e peshqve të mëdhenj si Klement Balili. Ajo gjithashtu ka ripërsëritur deklaratën e kësaj ambasade pak ditë më parë për çështjen e drejtimit të ministrisë së Brendshme duke kërkuar që ky dikaster të jetë plotësisht funksional.

“Operacionet policore madhore të kohëve të fundit kudo në Shqipëri, që kanë çuar në arrestimin e individëve të përfshirë në krimin e organizuar, janë një hap i parë i rëndësishëm. Por, shpresojmë që ky aksion nuk do të ndalet këtu. Për të luftuar vërtet krimin e organizuar, është e rëndësishme që populli shqiptar t’i shohë këta individë të ndjekur penalisht, të dënuar dhe në fund prapa hekurave. Është po ashtu e rëndësishme që këto aksione të Policisë të mos kufizohen te kriminelët e nivelit të ulët dhe të mesëm. Autoritetet duhet t’iu kundërvihen përfituesve të vërtetë të veprimtarisë së krimit të organizuar, pavarësisht nëse këta janë kriminelë apo zyrtarë. Kjo do të thotë ndjekje penale të bosëve të njohur të krimit, vazhdimin e hetimeve të profilit të lartë dhe në fund arrestimin e peshqve të mëdhenj si Klement Balili”, ju përgjigj diplomatja e lartë e ambasadës amerikane në Tiranë, pyetjes; A mendoni se Shqipëria është në rrugën e duhur për të luftuar krimin e organizuar?

 

© SYRI.net

Lexo edhe:

Komentet

edvini13/11/2018 07:30

edvin kristaq rama esht nje ordiner qe duhet te futet ne burg per shqiptaret qe i ka ber te varfer surrati i tije

Shto koment

Denonco