E pranon edhe Tsipras/ 1 mln euro dhamë vetëm në Tetor për portalet shqiptare

E pranon edhe Tsipras/ 1 mln euro dhamë vetëm në Tetor për portalet shqiptare

20:37, 20/10/2018
A+ Aa A-

Kryeministri i Greqisë, Aleksis Tsipras, ka pranuar se Greqia financon prej vitesh përmes "fondit sekret" media dhe gazetarë të huaj për t'i shërbyer interesave politike të Athinës.

Pas skandalit që ka përfshirë Greqinë ditët e fundit, për financime të portaleve dhe gazetarëve në Shqipëri dhe Maqedoni, kreu i qeverisë greke ka dhënë shpjegimet e tij. Vetëm për muajin tetor rezulton se Greqia ka paguar për mediat në Shqipëri shumën e 1 milionë euro, ndërsa e gjithë kjo veprimtari në disa vite ka kushtuar 45 milionë euro. Para këto të financuara në media, gazetarë dhe shoqata jofitimprurëse.

Tsipras ka pranuar ekzistencën e fondeve sekrete në Ministrinë e Jashtme, duke deklaruar se kjo politikë ekziston prej vitesh dhe të gjithë e dinë këtë.

E kam diskutuar këtë debat që kur ishim në opozitë,  në vitin 2011, kemi diskutuar për procedurën sa i përket transparencës së përdorimit të fondeve. Kemi krijuar një procedurë transparente për fondet sekrete. Nuk ka keqpërdorim të këtyre fondeve pa një firmë nga urdhëruesi, jo siç ndodhte më përpara që i shpërndanin majtas e djathtas nëpër qese të zeza. Çdo vend që respekton veten e tij e ka për detyre të përdore një politike të jashtme ku të mbështetet, Prandaj fondet sekrete janë një domosdoshmëri veçse ndokush ka kundërshtime. Debati që po behet kohet e fundit po behet në mënyrë të turpshme nga një pjesë e shtypit opozitar synon pikërisht të godasë këtë procedurë transparente.

Nikos Kotzias dha dorëheqjen nga posti i ministrit të Jashtëm pas një debati për "fondet sekrete" me ministrin e Mbrojtjes, Panos Kammenos. Reagime për skandalin që ka shpërthyer në Greqi ka pasur edhe në Shqipëri. Kreu i Partisë për Drejtësi dhe Integrim, Shpëtim Idrizi, e cilësoi emergjencë kombëtare dhe kërkoi nga presidenti i Republikës Ilir Meta mbledhjen e Këshillit të Sigurisë. Ndërsa historiania Eleni Kocaqi tha për Report Tv se skandali është edhe më i madh. Sipas saj, përmes këtyre financimeve të paligjshme Greqia ka ndërhyrë në punët e brendshme të Shqipërisë si dhe ka ndikuar opinionin publik.

Skandali që ka përfshirë Greqinë rikthen edhe njëherë në qendër të vëmendjes debatin për mediat online në Shqipëri. Qeveria vendosi një ultimatum 72 orësh këtë javë për pajisjen e tyre me NIPT me qëllim transparencën e financimeve dhe rezulton se të paktën 44 portale të paregjistruara tashmë janë regjistruar pranë QKB.

Zhvillimet orë pas orë në Greqi

Ora 15:50

Kotzias dorëzon postin: Greqia gati të zgjerojë me 12 milje ujërat territoriale

Ish-ministri i Jashtëm, Nikos Kotzias, ka dorëzuar sot zyrtarisht detyrën e tij. Në ceremoninë ku i kaloi postin kryeministrit Aleksis Tsipras, Kotzias ka thënë se Greqia është gati të zgjerojë ujërat territoriale me 12 milje detare, raporton Ekathimerini. Kotzias tha se: ‘Është e rëndësishme një politikë zgjerimi e sovranitetit të vendit, që prej kohës kur Greqia përfshiu ishujt Dodecanese. Dekretet presidenciale janë gati’.

© SYRI.net

Lexo edhe:

Komentet

Lojtare te forte greket! 21/10/2018 01:28

Eurot kane shkuar me se shumti te ekipi negociator i Shqiperise, ku pjesen me te madhe e ka marr Ministri i Jashtem, i cili ka bere dhe master ne Athine. Portalet kane marr çikerima sa per tu justifikuar para opinionit publik grek dhe jo pa qellim zyrtaret greke e ben vet publik faktin qe kane dhene para sekrete ne Shqiperi.Mesazhi i doreheqjes se Kocias dhe berja publike e hedhjes te parave te pista greke eshte ky" sa sakrifikuam kryenegociatorin tone qe çeli fondin sekret per ju nuk do pyesim per negociatoret tuaj, prandaj skeni ku shkoni pa ratifikuar marrveshjen dhe beni çmos sa me shpejt edhe pa gjykata, se ju kemi ne dore". Me nje fjale shantazh i paster publik zyrtarve te kapur shqipetar. Portalet e mediat jane thjesht maja e ajzbergut, me te cilat shantazhohet pala shqipetare dhe njekohesisht manipulohet opinioni publik i te dy vendeve.

Shto koment

Denonco