Kuvendi do të mblidhet sot në seancë plenare sipas një rendi dite të përcaktuar më parë. Deputetë e PS do të jenë sërish vetëm në seancë për të miratuar ligjet që kanë në axhendë, ndër to edhe ligjin e debatuar për statusin e gjyqtarëve dhe prokurorëve. Ky votim kërkon votat e 3/5 të deputetëve.

Partia Demokratike dhe aleatët e saj nuk do të shkojnë në seancë, ashtu siç kanë vepruar edhe në seancat e mëparshme pasi do të prezantojnë një tjetër dokument me rëndësi, nismën e e tyre ligjore për ndryshimet në ligjin Antimafia.