'Marrëveshja e detit me grekët është copëtimi i ri i kufijve'

'Marrëveshja e detit me grekët është copëtimi i ri i kufijve'

22:32, 20/07/2018
A+ Aa A-

Ish-kryeministri Sali Berisha ishte i ftuar mbrëmjen e sotme në studion e emisionit ‘Java’ në RTSH, të drejtuar nga gazetarët Preç Zogaj dhe Lorenc Vangjeli.

Duke folur për çështjen e marrëveshjes me Greqinë, ish-kryeministri Berisha është shprehur se kjo që po ndodh është copëtim i ri i Shqipërisë.

Për ish-kryeministrin Sali Berisha, marrëveshja ka vetëm një zgjidhje dhe ajo është gjykata.

‘Marrëveshja për detin.

Kjo që po ndodh është copëtim i trojeve shqiptare.

Ka një ligj ndërkombëtar që të jep të drejtë që të mbash 12 milje. Greqia për një kompleks të tërë rrethanash ka vendosur sinor 6 milje dhe marrëveshjet e saj me Italinë dhe Turqinë janë me 6 milje. 

Pala greke thotë se atdheu i tyre po rritet.

Greqia po shfrytëzon zonën ekskluzive ekonomike, e tha vetë Tsipras.

Shefi i grupit tonë negociator Skapi punon gjithë ditën kundër vendit të vet. Armand Skapi mori një draft tjetër nga grekët dhe e paraqet si një draft të ri.

Kjo që po ndodh është copëtimi i ri i kufijve.

Zgjidhja e vetme do ishte gjykata.

E ka ligji që në rast se marrëveshjet dështojnë, duhet ti drejtohemi Gjykatës.

Ata që donin të zmadhonin atdheun e tyre Greqinë në kurriz të shqiptarëve, e kundërshtojnë këtë opsion dhe e kanë palosur Edi Ramën’, tha mbrëmjen e sotme ish-kryeministri Sali Berisha.

 

© SYRI.net

Lexo edhe:

Komentet

Shto koment

Denonco