Ish-ministri i Brendshëm, nga sot edhe ish-deputeti Saimir Tahiri nuk ka lënë sot pa sulmuar edhe ish-mikun e tij, ambasadorin e SHBA-së në Tiranë, Donald Lu.

Pasi sulmoi opozitën, Fatmir Xhafën e u bëri shantazh deputetëve, Tahiri nuk la pa sulmuar edhe promovuesin e tij, Donald Lu-në.

‘Rrinë e dëgjojnë garat se kush e kap peshkun më të madh, kush e kap peshkun më të madh, ca thonë bandat në pushtet, ca në parlament, ambasadorët lart e poshtë flasin për mafiozë,

Ministri i Brendshëm numëron bandat në televizor, një tmerr që të largohesh e të marrësh valixhet...’,  tha Saimir Tahiri në deklaratën e tij gjatë paradites së sotme ku edhe deklaroi se do të dorëzonte mandatin.

Por pse vjen sot ky sulm i ish-ministrit të Brendshëm, ndaj ambasadorit të SHBA-së, Donald Lu, njeriut që e mbështeti dhe e promovoi Saimir Tahirin?

Ambasadori Donald Lu deri më sot nuk ka folur asnjëherë për kanabizimin e Shqipërisë nga Saimir Tahiri.

Ambasadori nuk foli asnjëherë për drogën edhe pse avionët e kanabisit binin njëri pas tjetrit, por sot Tahiri e sulmoi duke e vene bashkë me ata që ai i cilëson si armiq të tij.