Krisma të forta kapsollash dhe tymuese janë hedhur nga qytetarë të revoltuar para Gjykatës së Apelit në Shkodër. Situata është tensionuar, në prag të seancës ndaj 11 kuksianëve të arrestuar për protestën në Rrugën e Kombit. Policia ka rrethuar godinën me forca të shumta.

Deputeti i PD Bardh Spahia tha nga oborri i Gjykatës se " sot në simbolin e demokracisë, në simbolin e fjalës së lirë, në Shkodrën e djepit të kulturës, kjo qeveri po merr përgjigjen më të mirë ndaj kësaj farse politike që ka organizuar. Vala e protestave do të vijojë. Kjo është arsye më tepër për të cilat qytetarët do të ngrihen çdo ditë e më tepër."