Në Fier kanë nisur një protestë të tyre përfaqësues të biznesit të vogël.
Ata po protestojnë pranë zyrave të tatim taksave ne këtë qytet. Futja në skemën e TVSH-së për të gjitha ato biznese që kalojnë 2 milionë lekë të reja xhiro vjetore nuk është pritur mirë nga tregtarët dhe Shoqata e Biznesit të Vogël.
Pas disa protestave në rang vendi, ku bizneset në shenjë proteste kanë ulur qepenat pak ditë më parë, në Fier ka nisur protesta ditën e sotme.
Tregtarët kundërshtojnë aksionin e qeverisë për futjen në skemë.
Njëri prej tregtarëve është shprehur se nuk ka munguar presioni nga ana e inspektorëve të Tatimeve, teksa ka shtuar se taksat vetëm po rriten duke dëmtuar biznesin.
© SYRI.net