Llallës i është ndaluar hyrja në SHBA/ Ja reagimi i ish-Kryeministrit...

Llallës i është ndaluar hyrja në SHBA/ Ja reagimi i ish-Kryeministrit...

23:12, 20/02/2018

Ish-Kryeministri Sali Berisha tha mbrëmjen e sotme se nuk mund të pohojë dhe as të qortojë vendimin e Sekretarit amerikan të Shtetit, Rex Tilleron, që i ndalon hyrjen në SHBA, ish-Kryeprokurorit Adriatik Llalla.

Berisha tha në studion e News 24 se një shtetar si Tillerson besoj se ka baza që e ka marrë një vendim të tillë, por nuk jam në dijeni të aferave korruptive mbi të cilin mund të jetë marrë ky vendim.

Gjithashtu, ish-Kryeministri ka komentuar edhe nenin që i jep të drejtën gjyqtarëve dhe prokurorëve që i shmangen vetingut kur largohen ose japin dorëheqjen.

“E quaj veprim të gabuar nenin e heqjes apo ndërprerjes së vetingut. Është diktuar nga të huajt, por nuk është i ndershëm. Nëse unë kam kryer akte korruptive unë nuk duhet t’i gëzoj pasuritë e vëna në mënyrë të paligjshme. Mirëpo kushtetuta ka bërë një amnisti përsa i takon vetingut”, tha Berisha.

Si e komentoni vendimin e SHBA për Adriatik Llallën?

Vendimin e sekretarit Tillerson… natyrisht komentin kryesor duhet ta bëjë Adriatik Llalla. Për të ai vendim është i marrë, unë s’mund të them kur nuk di aferat për të cilat është marrë.

Si ish-kreu i organit të akuzës dhe ish-kreu i ILDKP a duhet t’i nënshtrohet Llalla vettingut?

Absolutisht unë e quaj veprim të gabuar nenin e heqjes së vettingut. Ai është një pragmatizëm i diktuar nga të huajt por jo i ndershëm. Në qoftë se unë kam shkelur, kam krijuar akte korruptive, kam gëzuar pasuri të paligjshme unë nuk duhet t’i gëzoj. Por Kushtetuta ka bërë një amnisti. E ka ndaluar Kushtetuta vettingun. Gjykatësi dhe prokurori që tërhiqet nga detyra ndërpritet vettingu. Çdo vendim i Kushtetueses është normë kushtetuese. Nëse ka të dhëna për çdo njeri Prokuroria duhet të nisë hetimin, jo pse refuzoi. Unë nuk do isha dakord me ndërprerje vettingu.

Opozita bëri një betejë në parlament kundër Arta Markut, a jeni penduar?

Opozita bëri betejë kundër Edi Ramës kryeprokuror, kjo është gjithçka.

A është Llalla një peshk i madh?

Unë nuk mund të shpall asnjë njeri të pa akuzuar as peshk të madh e as peshk të vogël. Këtë mund ta bëjë Edi Rama.

I përfshirë në akte korrupsioni tha Tillerson, ju e besoni?

S’mund të them as po e as jo pa ditur konkretisht aktet. Mendoj që në princip se një vendim i tillë i një shtetari si Tillerson duhet të ketë baza dhe jashtë një baze solide nuk mund të merrej një vendim i tillë.

© SYRI.net

Lexo edhe:

Komentet

Une21/02/2018 18:36

Si shteti Shqipetar rri e ben sehir me kete vendi. Ose te kerkoj te drejtat e qytetareve te saj ose z.Llalla duhet te pergjigjet dhe te ndeshkohet. Si qytetar nuk e pranoj dot heshtjen percemuese qe me behet

cak-cak-cak21/02/2018 09:14

Ka edhe diçka që z.Berisha si një deputet e ish president e kryeministër, është rezervuar ta thotë publikisht. Z.Tillerson si Sekretar i Departamentit të shtetit, vendimet i mer në bazë të informacioneve që i vijnë nga ambasadat dhe intstitucionet e sigurise së vëndit të tij e sipas ligjeve të SHBA. SHBA ka ambasadat e dipllomatet e saj në të gjitha vendet e botës, Për hir të së vërtetës duhet thënë që jo të gjithë ambasadorët që kanë SHBA në të gjitha vendet e botës, mund të konsiderohen si të pagabueshëm e si burim i sigurtë informacioni. Nëse Departamenti i shtetit amerikan do të ishte plotësisht i bindur se ish kryeprokurori shqiptar është "i korruptuar", meqë ky me familjen ka shtetësinë amerikane, sëbashku me vendimin e ndalimit të hyrjes në SHBA, mund të merte edhe vendimin e heqjes së shtetësisë. Si shtetas amerikan, z.Llalla e ka të drejtën e ankimimit në gjykatat e SHBA. Vetëm pasi të ketë përfunduar procedura e plotë gjyqësore, dyshimi për korrupsion për Llallën mund të kthehet në akuzë, e këtë e thotë mjaftë kjartë edhe Berisha.

Shto koment