Lajmi i fundit

ÇIM PEKA LIVE/ Droga e Xibrakës

PD raport të kushtëzuar me Kuvendin/Paloka: Vendimet do të lidhen jo vetëm me reformën në...

PD raport të kushtëzuar me Kuvendin/Paloka: Vendimet do të lidhen jo vetëm me reformën në...

17:39, 12/01/2018
A+ Aa A-

Partia Demokratike do të ketë një raport të kushtëzuar me Kuvendin. Kështu u shpreh në një prononcim për mediat nënkryetari i Kuvendit, Edi Paloka, njëherëz edhe nënkryetar i PD-së. Paloka tha se vendimet për pjesëmarrje në Komisione dhe seancë të deputetëve të opozitës do të merren nga grupi parlamentar para çdo seance.

“Do jetë qëndrim i kushtëzuar me parlamentin dhe hapat do të jenë njëri pas tjetrit, vendimet për pjesëmarrjet apo jo në komisione do të merren nga grupi para çdo seancë. Vendimet tona do lidhen jo vetëm për një Reformë të vërtetë në Drejtësi, por dhe me qëndrimet e mazhorancës, dhe nga ana tjetër të shohim që ato shkelen”, tha Paloka.

Në mbledhjen e fundit të Konferencës së Kryetarëve, demokratët kërkuan dorëheqjen e Gramoz Ruçit nga posti i kryeparlamentarit, duke e lidhur këtë me shkeljet kushtetuese në seancën e 18 dhjetorit ku edhe u zgjodh dhe u betua Arta Marku në postin e Prokurores së Përgjithshme të përkohshme.

Por ky tension mes palëve po fut në një tjetër ngërç Reformën në Drejtësi, pasi Kushtetuta në pikën 7 të nenit 149 përcakton që organi i cili do të duhet të hartojë listën finale që do t’i përcjellë parlamentit për KLGJ –në dhe KLP –në është nënkomisioni që duhet te ngrihet nga Kuvendi me pesë anëtarë.

Për t’u votuar në seancë kjo listë duhet të marrë më parë  mbështetjen e të katër prej pesë anëtarëve që ka ky nënkomision.

Këshilli i Lartë i Prokurorisë dhe gjyqësorit mban njëherazi peng edhe ngritjen e  Byrosë Kombëtare të Hetimit dhe SPAK.

© SYRI.net

Lexo edhe:

Komentet

Daj Jaku13/01/2018 00:50

Si urdhëron o Palloka. Tualet Palla vidhi teserat elektronike dhe votoi edhe për demokratët, bile edhe për atë që ishte në spital. Si mund të qëndroni akoma në atë parlament pa u denuar Palla dhe pa u anulluar vendimi i vjedhur haptazi, ashiqare, i filmuar dhe i pranuar nga vetë Tualet Palla. Jo mor "mik", jeni edhu ju pjesë e kësaj farse.

krasasi tp 12/01/2018 17:49

z.Paloka je djal i mire edhe Ti.z.Basha gjithashtu,ndaj kam besim qe do shkoni si cecua ne parlament dhe ne komisione per te ngrit KLP dhe KLGJ.

Shto koment

Denonco