Lajmi i fundit

LIVE/ PD, aktivitet për 15-vjetorin e anëtarësimit të Shqipërisë në NATO

Nëse reagojmë si normalë, nuk e mundim dot një të çmendur si Rama

Nëse reagojmë si normalë, nuk e mundim dot një të çmendur si Rama

Nga Basir Çollaku - 23/03/2023

Ajo çka po ndodh në Shqipëri, më sjell ndërmend një rrëfenjë të hershme në një mbretëri.

-Madhëri, ka ndodhur një fatkeqësi e madhe, shkon dhe i flet një nga këshilltarët e tij.

-Çfarë ka ngjarë, e pyet mbreti.

-Njerëzit e mbretërisë suaj janë çmendur.

-Përse, kërkon të dijë më tej mbreti.

-Kanë pirë ujë diku dhe nuk dimë si t’i bëjmë derman kësaj ndodhie ku janë çmendur të gjithë.

Pasi mendohet pak sekonda mbreti pyet:

-Ka më nga ai uji?

-Po, thotë oborrtari!

-Epo, ç’pret. Na sill të pimë dhe ne të gjithë nga një gotë, se ndryshe nuk ia dalim!

Dhe... pinë nga i njëjti burim. U çmendën të gjithë dhe u morën vesh mirë.

Edi Rama nuk i ka pasur ndonjëherë mirë rrethanat me shëndetin mendor. Dalja publike e disa kartelave mjekësore, nuk është vetëm një histori spitalore. Por askush nuk ua ka vënë veshin këtyre të dhënave serioze dhe sot Edi Rama është prej 10 vitesh kryeministër bashkë me legjendën e kartelave të tij.

Dhuna, asgjësimi i institucioneve, marrja e vendimeve sipas oreksit, shpërfillja e gjykatave, urdhërimi i prokurorive, sjellja legene e kupolës së policisë nën këmbët e tij, zaptimi i çdo agjencie, e ka bërë vendin një çmendine ku pyetet vetëm ai dhe krisjet e tij. Oborrtarët e tij qeveritarë e bashkiakë i kanë vënë syrin pasurimit e plaçkitjes, duke majmur veten dhe horrnajën rreth tyre.

Dosjet në SPAK janë komedi e zezë me gjithë përpjekjen e kësaj strukture për të lënë diku shenjë pune.

KM del shpesh si një “vrasës” me pagesë i paarrestuar. Ka dy ministra në qeli, Tahirin për drogëzimin e vendit, Kokën për plehërimin e vendit, në pritje t'u shtohet Ahmetaj zëvendëskryeministri i Ramës, apo Agaçi, Balla  Gjiknuri, Xhaçka e Veliaj. Ka gjysmën e bashkiakëve ku kryeson Veliaj, dhe po aq, gjysmën e qeverisë të pandehur e të burgosur. Është vetë në proces hetimi në SHBA për punët e shkathëta me ish-drejtorin e kundërzbulimit Charles McGonigal.

Agjenti na del se ka bredhur në adresa ku Rama ka pasur dijeni. Së paku dy janë bërë publike. Ka vajtur te botuesi i Ora News, Ylli Ndroqi e ka kërkuar qindra mijë euro për histori vizash e non-gratash. Edhe botuesi Hysenbelliu konfirmoi vizitën dhe kërkesën e agjentit të bashkëhetuar me Ramën për të rregulluar punët për vizë amerikane. Nuk duhet ende nëse e ka dërguar Rama te Topi, Klani, Vizioni apo te Zamiri (Scan), ABC Devolli, duke mbajtur kështu dhunshëm kontroll mbi linjën editoriale të medieve. Dje u rikthye të marrë dy godina te biznesmenit Hysenbelliu, pa njoftim, pa vendim gjykate, me urdhër telefonik si shpesh-herë. Sekuestro me VKM është këmbëshkelja e Kushtetutës. Kjo ndodh me të pabindurit sepse me bishtkrehurit është shend e verë.

Raporti i DASH, i sapodalë javën e shkuar, fliste me emra për veprimet abuzive të Ramës ndaj biznesmenëve dhe medieve. Njëherësh, si asnjëherë tjetër në raport, flitej për çështje konkrete, për dosjen e inceneratorëve. Raporti shkruante se janë zhdukur mbi 270 milionë euro. Kjo është një nga gjetjet që e ka riçmendur Ramën. Kryeministri vepron me qeverinë, biznesin dhe drejtësinë si një kompani private ku ai është pronari. Njëlloj ka vepruar e do të veprojë me zgjedhjet. Ai është nën ankthin e marrjes i pandehur në SHBA dhe kjo e ka nxjerrë përfundimisht nga binarët. Nuk riformatohet më ky individ. Marrëzia e sjelljes është problem i tij, ndërsa mënyra se si duhet ndaluar, është problemi ynë.

Është çmenduri e tepruar të mendosh se duke kryer akte, reagime normale, të përgjegjshme, ligjore, ndalon çmendurinë e veprimeve të Edi Ramës. Çmenduria e babëzia e tij kanë përzënë mbi 900.000 shqiptarë dhe tani është duke i dhënë dorën e fundit. Është momenti i asaj gotës se ujit. Duhet domosdoshmërisht një çmenduri opozitare apo më fort mbarëshqiptare, për të ndaluar me çdo kusht anormalin pa mjekim.

Kundër Edi Ramës, në kohën e tij ekstreme, duhen veprime ekstreme.

Kundër tij duhet të çmendemi, nëse nuk duam të asgjësohemi. Një gotë ujë për të gjithë...

© SYRI.net

Lexo edhe

Komentet

Demokrati i vertete23/03/2023 13:02

Pas rrezimit te ketij regjimi narko-kriminal dhe mafioz, Shqiperia dhe shoqeria shqiptare ka nje nevoje imediate teper, teper urgjente per nje pastrim te thelle nga plehrat, fekalet, qelbesirat dhe ndyresirat ne te gjitha elementet e sistemit shoqeror, mediatik, ligjor dhe politik. Ky vend ka nevoje per nje pastrim dhe incenerim te thelle ne te gjitha nivelet e sistemit politiko-shoqeror shqiptar. Ka nevoje per nje dizinfektim te ketij qelbesirlleku komunisto-mafioz shqiptar dhe nje sherim te shpejte te shoqerise se kancerizuar shqiptare!!!!
O sot, o kurre!! Ndryshe Shqiperine e humbem pergjithmone!!!

Shto koment

Denonco