Lajmi i fundit

SPAK rrëzon 2 kallëzimet e reja të PS për ’21 janarin’/ Çështja i kalon Prokurorisë së Tiranës

Pacienti Rama nuk është budalla, dje goditi në shenjë!

Pacienti Rama nuk është budalla, dje goditi në shenjë!

Nga Çim Peka - 07/12/2022

Pasi nuk sajoi dot një tropojan kundërshtar të Sali Berishës (që ka me shumicë) për të “zh’burrëruar” të paprekshmin, u drejtua tek ”Zona e Parë Operative” ku ka nga ata që para nderit dhe zakonit, kanë partinë. 

“I paprekshmi” qenka i prekshëm. 

Ky ishte mesazhi që Rama dje kishte nevojë, ishte fiks dita kur ai do e arrinte qëllimin me shpresën se lajmi do sfumohej nga samiti. Dhe mesazhi jepej.

Mesazh për kë?

a- Mesazh për bandat që Sali Berisha u përmend emrin. Dje u tha atyre:

“Keni lejen time, po e prek unë i pari, tani radha juaj”. 

b-Mesazh për të vetët që po e shantazhojnë me nxjerrje skandalesh. 

c-Mesazh për ndërkombëtarët që “cubi” jam unë e jo Berisha. Deri këtu nuk i kishte keq llogaritë.

Ku gabove?

Ti nuk e kupton se ata që i kanë qëndruar Sali Berishës pas edhe kur u vranë Azem Hajdarin në oborr të shtëpisë së tyre, nuk i qëndruan Berishës nga pas për interesa. Bandat gjithmonë rrinë pas qeverisë. Këtej nga është Berisha, në shumicë më i rëndësishëm është miti se pagesa. Ke prekur mitin, prit reagimin. Afër mitit, të gjithë e dinë që as Gregu, as Olsi nuk të dhimbsen. Ama vetja të dhimbset shumë. E sigurtë që ti nuk do shkosh në kafen e parlamentit, do rrish me roje në sallë, do shtosh rojet kudo. Por mos rri i qetë. Rëndësi ka që demokratët të marrin vendimin të të japin mësimin. Të tjerat rregullohen. Nuk ka Çuç e kokë Rrumbullak që të qetëson. 

Berisha nuk mund ta bënte aktin i pari, e bëre ti. Faleminderit. Pas shpalljes “non grata”, kjo e djeshmja ishte shërbimi me i madh që i bëtë Sali Berishës. I bashkove njerëzit prapë rreth tij. Ti tregove që ke shumë informacion, që Berisha është pa cuba rreth tij. 

Gabove vetëm në diçka. Fuqia e Berishës nuk ka qenë kurrë tek cubat, por tek ajo që ai përfaqëson për njerëzit. Këtu gabove.

Rëndësi ka qe ai ta marrë vendimin që të të japë mësimin. Të tjerat janë të thjeshta. 

Historia kur Ahmet Zogu iku dhe ia la Shqipërinë pjellës së Miladinit dhe Dushanit, nuk do të përsëritet më.

© SYRI.net

Lexo edhe

Komentet

Shto koment

Denonco