Shtëpia e shqiptarit, e Erdoganit e zotit apo e djallit?

Shtëpia e shqiptarit, e Erdoganit e zotit apo e djallit?

Nga Andi Bushati - 23/09/2022

Edi Rama ka humbur sot një mundësi për të predikuar se edhe kur e shkel ligjin, këtë e bën për qëllime të mira. Ministrja e arsimit dhe më pas ai vetë kanë servitur një sërë alibish, për të justifikuar ligjshmërinë e mbylljes së shkollave të rrjetit Gylen në vend.

Ndonëse pretendimet e tyre për shitje godinash apo zhvendosje të institucioneve arsimore në adresa të tjera janë hedhur të gjitha poshtë nga pala e prekur, ky cic-mici me vogëlsira administrative nuk ka pikë vlere për diskutim. Të gjithë në këtë vend e dinë se qeveria shqiptare po zbaton një urdhër të autokratit turk, “vëllait” Rexhep Taip Erdogan.

Me radhë, njëri pas tjetrit, ministrat e brendshëm dhe të jashtëm të Ankarasë nuk kanë lënë një vizitë zyrtare në Tiranë pa kërkuar mbylljen e shkollave turke dhe ekstradimin e aktivistëve të lëvizjes gyleniste që ushtrojnë aktivitetin e tyre këtu.

Por, kohët e fundit presioni është shtuar mjaft. Në janar të vitit 2021, kur mediat e regjimit në Tiranë i binin dalulleve të pritjes madhështore që presidenti turk po i bënte Ramës, pas kësaj feste në oborrin e pallatit të sulltanit, fshihej shkëputja e Shqipërisë nga linja e qëndrimeve perendimore për gylenistët dhe rolin e tyre në grushtin e shtetit në Turqi. “Ne bashkë me autoritetet shqiptare dakordohemi që organizata terroriste e FETO-s përbën një kërcënim për të dy vendet”, tha Erdogan duke folur përkrah Ramës, i cili as nuk pipëtiu për ta kundërshtuar këtë tezë.

Fiks një vit më pas, kur i ktheu vizitën në Tiranë, për të inaguruar xhaminë e Et’hem beut, duke folur përpara parlamentit shqiptar, autokrati turk e rriti dozën e kërcënimeve. Ai e tha hapur se spastrimi i gylenistëve në arsim, shëndetësi dhë në komunitetin musliman është parakusht për vazhdimin e partneritetit strategjik që ata nënshkruan në 2013. 

Duke folur edhe në emër të Ramës, në krah të tij, Erdogan e ka sanksionuar se dy shtetet kanë qëndrim të njëjtë dhe i etiketojnë si terrorristë ndjekësit e fetullah Gylenit.

Kryeministri ynë nuk e nxorri këmbën nga rrethi. Ai e miratoi këtë qëndrim ashtu sikurse kanë bërë të gjithë anëtarët e qeverisë së tij, me përjashtim të Ditmir Bushatit, që në vitin 2018 ia ktheu publikisht kërkesën homologut të vet turk Çavushoglu. Që prej asaj kohe ministrat tanë nuk kanë, as zë, as guxim, që kur gjenden përpara absurditeteve të tilla, të reshtohen përkrah SHBA-ve, BE-së dhe vendeve të tjera të perëndimit që nuk i besojnë përrallave të regjimit turk për grushtin e shtetit të organizuar nga gylenistët, mandje i japin atyre strehim, kundër një autokrati që i persekuton dhe burgos.

Pra, linja zyrtare e rilindjes në pushtet e konsideron FETO-n një organizatë terrorriste dhe është e bindur, njësoj si militantët më trushplarë të Erdoganit, se ata që ndrojnë pas grushtit të shtetit duke e përligjur përndjekjen e tyre.

Vetë Rama gjatë një interviste me Ilva Taren, e ka pranuar këtë version dhe ka pohuar se shteti shqiptar i mban këta elementë të rrezikshëm nën vëzhgim. 

Po atëherë, kur pranon se gylenistët janë terroristë, kur nuk e kundërshton Erdoganin që i thotë në sy, se të dy vendet i shohin ata si kërcënim, ç’kuptim ka kjo estrada me mbylljen e shkollave për ndryshim adrese? Kush e beson për këtë? Pse duhet që Rama të gënjeje kaq trashë?

Duke e ditur se kjo fabul nuk kapërdihet ai mund të përdorte arsyen shtetërore dhe një interes më të madh për të përligjur këtë mëkat dhe shkelje ligji. Ai mund të justifikohej duke thënë se ku që çmimi që shqiptarët duhej ti paguanin raisit turk, për rindërtimin e pallateve të shembura nga tërmeti, për vaksinat, apo për dronët. Për aq sa mund të justifikohet krimi i lënies së fëmijëve pa klasa, në mes të shtatorit, ai mund të arsyetohej me ruajtjen e dhimbshme të një partneri strategjik që i është gjendur gjithmonë shqiptarëve.

Por alibia e tij qe e neveritshme dhe banale, sepse ajo yshtej vetëm nga intersi meskin personal. Kur i duhet për vete, të presë muxhahedinët apo afganët që i kërkojnë amerikanët, Edi Rama propogandon se shtëpia e shqiptarit është e mikut dhe e zotit. Ndërsa kur “vëllau” i kërkon të ekstradojë ata që kërcënohen nga dënimi me vdekje, apo të përzërë mësuesit që kanë edukuar breza të tërë shqiptarësh, ai e trajton atë si folenë e djallit dhe të Erdoganit. Prandaj, ndryshe nga gjithë vendet e botës së lirë ne jemi shndërruar në tokë persekutimi për ata që i konsiderojmë terrorristët e FETO-s.

© SYRI.net

Lexo edhe

Komentet

MANI USA25/09/2022 21:09

HEU, SHTËPIA E SHQIPTARIT, E ERDOGANIT APO E DJALLIT?!" EU, SHTEGVRRIA E
SHTIPZVARRIT, FERRDOGRANIT APO TË DJALLIT EDHE BIRIT TË DJALLIT! KY DJALL
AH, DUKE NA KALLË, TIM E FLAKË, KRIME MOJ SHLAKË; OOOJ, SHTRIGA MË E LIGA
SI SHLLIGA PLAKË; QË NA HELMOI, SHQELMOI, DUKE NA NDRRUAR, SHNDRRUAR,
EDHE IDENTITETIN DHE INTEGRITETI MBARË KOMBËTARË, MBARË SHQIPTARË ËH,
SE A PAK U DUKEN, QË NA ZHDUKËN DHE NA NDUKËN, ME DHUNË E PËRDHUNË O,
SIÇ VETË TURQIA QË KA DEKLARUAR: MBI 10 MILIONË SHQIPTARË EDHE SOT JANË
VETËM NË TURQI; E KJO ËSHTË MË SHUMË SESA GJITHË SHQIPTARËT QË SOT OH,
ENDE QENDROJNË NË BALLKAN AH, KALLKAN; QË ME DHUNË O PËRDHUNË BASHKË
ME RUSO SERBO JUGOSLLAVËT, EDHE EUROPËN, QË UA NDRRUAN KOMBIN DUKE I
SHNDRRUAR SI TURQË, APO JUGOSLLAVË; E, ATA U SHPËRNGULËN QË KURRË MOS
TË KENË TË DREJTË TË KTHENIN NË TROJET E TYRE STËGJYSHORE SHQIPATRE!!.
DHE, ENDE KA UDHËHEQËSA TANË KOKËBOSHË, KODOSHË, DUKE U DIRIGJAUAR
NGA KRYEKASAPËT E POPULLKOMBIT SHQIPTARË, SËBASHKU ME GJAKPIRËSAT O,
KANIBALË, KATASTROFALË, SI VUÇIQ-PUTIN AHIII TRUHIQ HUTIN; SIKUR HUTI POSI
SHQIPE NË ZGORIN E LISIT, QË ÇDO MËNGJES SI MBRET SHTIPKAVRRIE, T'DHUNOI
NGA NJË ZOG BYLBYLI DHE MADJE, TA GLALBROJË TË NDJERIN ZOG BYLBYLIN OH,
GJERSA KTHIMI URGJENT I SHQIPES, QË E MALLKOJË E SHKALLMOJË AUUUH OUH,
HUT HUTAÇIN, TY SYTË TË PLAQIN; PSE DHUNON E GLLABRON ZOGJË BYLYBYLAT,
LOGJË ZYMBYLAT; MOS DALLOJË OUH, AS DITEN E QIELLIT ËH, AS DRITEN E DIELLIT
AHIII, VETËM NATË E DITË, KUKATËSH DHE HUKATËSH, NGA MALLKIMI I SHQIPES!!.."
MANI USA

buki24/09/2022 13:51

o Bushat po pse ti ke bere hetim dhe din se kush e ka organizu grushtin e shtetit.
shume gabim e keni.
Shihet qarte qe ke nje urrejtje te mbrendshme, po po mundohesh disi ta kamufllojsh.
Nuk te ben mire kjo.
Per shqiptaret ka rendesi te vecante nje mardhenie e shkelqyer midis dy vendeve

Ich 24/09/2022 05:18

Shtëpia e të gjithëve përveç Shqiptarëve

Gj23/09/2022 22:22

Ka "gojë" edhe të thotë se shqiptarët janë të vetmit që shpëtuan dikur çifutët nga nazizmi! Mburravec dhe antivlerë shqiptare!

Shto koment

Denonco