Fjalimi i Berishës e prishi ligjin e heshtjes që kishte zaptuar Kuvendin

Fjalimi i Berishës e prishi ligjin e heshtjes që kishte zaptuar Kuvendin

Nga Artan Fuga - 27/01/2022

Kuvendi në kaos!

Me fjalimin e z. Sali Berisha sot në Kuvend, u shqep ligji i heshtjes që prej vitesh kishte zaptuar Kuvendin. Gjuha politike do të ndryshojë tërësisht!

Sherri tani do të bëhet së paku katërsh, dhe ne si qytetarë kemi nevojë për këtë sherr sepse do të prishi të gjitha ekuilibrat e vendosura nga lidershipi politik në këta tridhjetë vjet.

Berisha do të drejtohet kundër Ramës, por edhe kundër Bashës. Rama do të detyrohet të flasë kundër Berishës dhe kundër Bashës, pa i futur dot më në një thes. Basha do të detyrohet po aq të flasë kundër Ramës, sa edhe kundër Berishës. Prit sepse ka edhe brenda radhëve socialistë disa që sapo t'u jepet rasti do të nisin të flasin edhe kundër Ramës, edhe kundër Bashës, dhe kundër Berishës. Ndërkohë prit se do të hyjë në lojë edhe LSI, sapo zoti Ilir Meta do të shkojë drejt uljes së avionit të Presidentit në pistë. Atëherë pritet që zonja Monika Kryemadhi duke mbajtur një distancë heshtjeje ndaj zotit Sali Berisha, do të flasë kundër Ramës, Bashës, si edhe do të pozicionohet ndaj deputetëve socialistë që do të jenë kritikë ndaj Ramës. Prit se edhe mes deputetëve që përkrahin Foltoren, ka prej tyre që duke ia bërë me sy zotit Berisha, i buzëqeshin fshehur zotit Lulzim Basha.

Prit se zoti Berisha ka “nxjerrë shejtanin nga shishja”, u ka thënë fjalën militantëve në foltoret e tij. Ata tani nuk mbyllen më kurrë në “shishe”.

Fjalimet e deputetëve të tjerë do të jenë ose jashtë teme, ose iso polifonike. Por kanë rëndësi dy gjëra: që Kuvendi do të hyjë në një kakofoni që nuk do të ketë Zot ta orkestrojë. Ligjërimi politik nga dydimensional do të bëhet shumëdimensional çka do të shqepi gjuhën e sotme politike. Dhe ka shumë mundësi që ky kaos diskursiv të paralajmërojë krizë politike shumë madhore dhe rinisjen e lojës nga e para! Kjo është pozitive për Shqipërinë, për qytetarët, për forcat politike që duan të hyjnë në lojë, dhe do të na nxjerrë të palara që as nuk na kishte shkuar ndërmend se do të ndodhnin.

Zoti Edi Rama nuk e përballon dot këtë kakofoni të rrezikshme që i nxjerr Kuvendin jashtë kontrolli, duke shtuar një dimension tjetër kakofonisë politike, sikurse ai i bisedës gjoja me qytetarët me anë e pyetësorit. Krizën ligjërimore nuk e zgjidh duke e konsideruar të paqenë dhe bërë si ai që kur s'i pëlqen muhabeti në tavolinë sheh nga dritarja dhe iu flet njerëzve që ecin në shi pa çadër!

Kriza politike po afron!

Gjithsesi qetësia brenda establishmentit politik është prishur. Ka vend për afera dyshe, kurse kur aktorët janë së paku pesë, karriget nuk mjaftojnë.

Janë së paku pesë persona për dy karrige, një në pushtet dhe një në opozitë. I pari ka monopolizuar pushtetin, i dyti opozitën. Po ne, thonë të tjerët? Erdhi shoqja prapa meje dhe shaminë ma vuriiii! E dini vallen besoj!

© SYRI.net

Lexo edhe

Komentet

Tiranassio30/01/2022 17:53

Profesori dhe Doctori jane shpresa e te nesermes se Shqyptarise

MANI USA27/01/2022 23:41

PO KJO NGJANË ME ATË DREQIN-DJALLIN E VOGËL TAPALL, KUR KRYDREQI O, DJALLI
NATËN TERRIT TEK MRIZI I ZANAVE TË MALIT, PARA SE TË KËDOJNË GJELAT E DRITES
AI, JETPTE URDHËRAT SECILI DREQ-DJALL ÇKA TË VEPROJË KUNDËR NJERIUT EDHE
KUNDËR POPULLKOMBIT; QË TA SHKATRROJË EDHE SHPARTALLOJË O, GJËR NË ÇFA-
RROSJE TOTALE, ZHAVRROSJE KATASTROFALË!. KUR NË FUND AI DJALLI MË I VOGËL
TAPALL, KISHTE MBETUR I PA ANGAZHUAR, DUKE U LAJMËRUAR SE UNË OR, SI ME VEPRUAR?! KRYDREQI-KRYDJALLI BUZËQESHI N'IRONI: PO TI DREQ I VOGËL TAPALL,
BËN ÇKA TË DUASH DHE, ÇKA TË MUNDËSH; ZI MË ZI KUNDËR KËTI POPULLKOMBIT!!"
DHE, AI DREQI I VOGËL TAPALL POR, SHERRIN APO DËMIN MË TË MADH; QË NJË VIÇI
TË LOPES, SA E KISHIN ZGJATUR N'LITAR ME KULLOTË NË LIVADH PRAN KOPSHTIT;
AI SHKOI E IA NXORI KUNXHIN-KUNJIN DHE, AI VIÇI U FUTË NË KOPSHT DHE E BËRI
KERDINË; KUR ERDHI I ZOTI SHTËPISË, I NERVOZUAR PSE BASHKËSHORTJA NUK E
KA RUAJTUR VIÇIN, AI MBYTI BASHKËSHORTËN; KUR VËLLËZËRIT BASHKËSHORTES
E MBYTËN DHËNDRRIN; NDËRSA FËMIJËT E NENËS DHE BABËS NA I MBYTEN DAJET;
PSE UA MBYTI BABEN!! DHE, NË MBLEDHJEN E RADHES KUR KRYEDREQI E SHPALLI
HEROJ ATË DREQIN E VOGËL TAPALL, QË VETËM PSE NJË VIÇI IA KISHTE NXJERRË
KUNXHIN-KUNJIN E LITARIT, AI PRISHI KOPSHTIN DHE NË SHAMATË MES VETI, NA U
VRANË KATËR NJERËZ-KATËR GJAQE VËLLAVRASJE ËËËH, SHKAPLASJE O, MES TË
FAMILJES QË KRISI VRASJA OH, PLASJA T'NJË GJAKU DHE NJË PRAGU!. MANI USA

Dora27/01/2022 14:08

Na lini pa fiale zoti FUGA ..ME SHKRIMET E JUAJA ! DO I BENTE NDER VENDIT TONE NJE PRESIDENT FILOZOF.!!!

Shto koment

Denonco