Lajmi i fundit

LIVE/ Foltorja e Mirditës, pritje madhështore për Sali Berishën

Sfida mes Lubonjës dhe Bashës si ajo mes të vërtetës dhe gënjeshtrës

Sfida mes Lubonjës dhe Bashës si ajo mes të vërtetës dhe gënjeshtrës

Nga Andi Bushati - 03/12/2021

Ka një aksiomë të mirënjohur që shpjegon përplasjen e një politikani me një intelektual në arenën publike: Sipas saj, i pari tenton të bindë, ndërsa i dyti kërkon të ketë të drejtë. Pra e përkthyer më thjeshtë, qëllimi i njeriut të politikës është që t’i mbushë mendjen një shumice, qoftë dhe duke përdorur gënjeshtra, ndërsa njeriut të mendimit i intereson vetëm e vërteta.

Pak a shumë ky dyluftim u zhvillua të enjten në mbrëmje, në Real Story, mes Lulzim Bashës dhe Fatos Lubonjës, lidhur me ngjarjet që pasuan vendimin për përjashtimin e Sali Berishës.

Nga ajo që u pa Basha nuk arriti t’i jepte përgjigje shteruese asnjërës prej pikëpyetjeve që u ngritën. 

Tezat e publicistit dhe shkrimtarit ishin një sintetizim i dilemave që të gjithë shtrojnë për kryedemokratin. E para: Pse ai ndërmori një vendim personal me pretekstin për të ruajtur të bashkuar partinë dhe dështoi duke e përçarë më shumë se kushdo tjetër atë. Përgjigjja që mori ishte qesharake, për të gjithë ata që e shohin realitetin në sy. Basha e mohoi gjurulldinë e shkaktuar në PD.

E dyta, lidhej me një çështje që është shndërruar në kryetemën e debatit publik në radhët e opozitës, atë se deri në ç’pikë i duhet thënë ‘po” pa kushte SHBA-së. Lubonja mbrojti tezën se misioni i një opozitari, sot, në këtë vend, është që ti kundërvihet jo vetëm qeverisë, por diplomatëve amerikanë që në shumë raste janë rreshtuar padrejtësisht në mbrojtje të pushtetit. Në princip Basha e pranoi këtë qasje, ai tregoi raste se kur i ka thënë jo ambasadorëve, por u mbrojt me faktin se këtë refuzim e ka ndërmarrë kur ka qenë në pikëpyetje interesi i shqiptarëve apo demokratëve dhe se s’do ta bënte kurrë për interesa personale të tijat apo të Berishës.

Por alibia e kryedemokratit ishte fare lehtë e demontueshme. Me asimetrinë që treguan ndaj goditjes së korrupsionit të tetë viteve më parë, duke mos thënë asnjë fajlë kundër këtij të sotmit, me kohën menjëherë pas zgjedhjeve kur goditën Berishën, me mënyrën arrogante sesi shantazhuan për përjashtimin e tij, diplomatët amerikanë e shndërruan ‘non grata-n”, nga një problem vetjak, në një çështje të të gjithë shoqërisë dhe mbi të gjitha të opozitës. Por për këtë Basha nuk arriti të jepte përgjigje. Pikëpyetja se përse ndonjëherë ka arritur t’i thotë jo edhe diplomatëve më të lartë të SHBA-së, ndërsa në shtator u gjunjëzua përpara tyre, mbeti sërish enigmë.

E treta, që ka lidhje me pikëpyetjen e mësipërme, ka të bëjë me mënyrën se si kryedemokrati e mori atë vendim. Për qasjen prej intelektuali të Lubonjës, është i paperceptueshëm qëndrimi se ti e vlerëson dikë, por duhet ta përjashtosh atë sepse kështu të ka urdhëruar superfuqia.

Edhe këtu Basha dështoi në përgjigje. Ndonëse shkrimtari dhe publicisti këmbënguli disa herë për të kuptuar logjikën dhe argumentet me të cilat, Riker apo Juri Kim e kishin bindur, ai u mjaftua me një përshkrim rutinë për mënyrën se si procedohet deri tek ‘non grata”.

Shefi ‘de facto” i PD-së nuk ia doli të shkonte më larg se alibitë bajate dhe propagandistike të mbrojtësve të tij që flasin për partneritetin strategjik të demokratëve me SHBA-në.

Në përfundim, pas afro dy orësh, nuk qe e zorshme të kuptoje se intelektuali e përmbushi misionin e tij në kërkim të së drejtës, ndërsa politikani e humbi synimin për të bindur, qoftë edhe përmes gënjeshtrës. Nga përballja me Fatos Lubonjën, Lulzim Basha doli më i vogël dhe më i palegjitimuar në zgjedhjet që ka bërë. Pas dy orësh live, imazhi i tij u përafrua më tepër me vlerat e veta reale, duke dëshmuar edhe njëherë, se sa të dobishme për publikun janë ato raste të rralla, kur farsa e pyetjeve të gatshme i lë vendin ballafaqimit me të vërtetën./LAPSI

© SYRI.net

Lexo edhe

Komentet

MANI USA06/12/2021 06:06

HEU, MES TË VERTETËS DHE GËNJESHTRËS! EU, STRES TËRJETËS LËMJESHTRES!!
-POLTIKA ËSHTË SI ERA, MOS TA QOFTË ZOTI KAH DERA, TË HUMBË VLREA, NDERA!!"
SIPAS FASKTEVE DHE AKTEVE NGA KLANET, PLANET, MË FASHISTE, MË DRASHISTE,
PORSI LUKURI BISHA E TËRBUARA, MORE ISHA TË VËRBUARA: RUSO SERBO JUGOS-
LLAVE: QË ME PROBOGANDË DHE GËNJESHTËRA, ME GRODROGANDË LËNJESHTRA
QË GËNJETËRO MORE LËMJESHTRO: NJË HERË, DY HERE, TRI HERË, ME RADHË OR,
DUKE GËNJYE, VETËM DUKE GËNJYE; DERISA DIKUR SIKUR GËNJSHTRA NA BEHEJ SI
E VERTETË!! PORSE, HORRSE; GËNJSHTËRA KA KËMBËT E SHKURTA APO FARË E PA
KEMBË; SA NUK ARRINË LARG, DHE NUK I MBËRRINË VARG AS PRAG! GËNJESHTËRA
KURRËN E KURRËS NUK ARRINË TË BEHËJ AS TË NGREHËJ SI E VERTETË E PA FAKTE
DHE PA AKTE! AH, DIKUSHI SI ASKUSHI, TENTON, KËRKON, TË BEHËJ DHE T'NGREHËJ,
SIÇ THONË: MË PAPË SE PAPA! O, KOT SE KOTI; KORBI KURRËN TË KURRËS NUK DO
TË ARRINË, AS NUK MBËRRINË TË BEHËJ, AS PREHEJ, SI SHQIP SHQIPE SHQIPTARIA!
MANI USA

Shto koment

Denonco