Barbarët që shembën Teatrin po na vjedhin përditë

Barbarët që shembën Teatrin po na vjedhin përditë

Nga Avni Nezaj - 02/08/2021

Gjobë 10 mijë lekë se ke parkuar para shtëpisë tende. Gjobë se ke parkuar tek rruga e komshiut para pallatit të tij. Gjobë gjithandej nëpër Tiranë. Është bërë gjoba makth për banorët, e bankë për hajdutët e bashkisë.

Po të ndodhi të shkosh për vizitë nëpër lagjet e Tiranës duhet të kesh shumë kujdes. Ka ca spirucë që rrinë cepave e të ruajnë ku po parkon makinën, në cilin kënd, në cilën rruginë apo rrugicë mes pallateve apo ku të gjesh pak hapësire e sapo largohesh nga makina, për të marrë një paketë cigare, një maskë kundër Covidit në një minimarket lagjeje, një bukë te dyqani se je duke shkuar në shtëpinë tënde, këta spirucë dalin e me bllok në dorë pa iu dridhur qerpiku të vënë gjobën në xhamin e makinës.
Këta janë hajdutë miqtë e mi. Janë hajdutë pa maska. Këtë janë vjedhësit modernë të parave tona edhe ditën, edhe natën. Sepse këta vjedhin, e thonë se vjedhin me ligj. Me ligjin që e kanë miratuar po këta hajdutë bastardë e barbarë. 

Po çfarë mund të presësh tjetër nga një institucion që shembi godinën e Teatrit. Çfarë pret nga një kryetar bashkie që mashtron ditën për diell e natën me hënë. A ju kujtohet kur thoshte nuk do ketë leje ndërtimi, e nuk ka lënë asnjë shesh bosh në Tiranë pa mbjellë beton, e jo pemë saqë pylli orbital prej betoni po e “zbukuron” përditë Tiranën.

Dhe këta hajdutët e bashkisë janë kudo e kurdoherë që të vënë gjoba. Edhe po të kesh dikë sëmurë, apo një grua që po lind, e lë makinën diku afër spitalit sa ta çosh brenda të sëmurin, gjobën e ke të sigurtë. 

Ata janë kudo si spiunët në kohën e diktaturës. Ata janë pas ferrës, pas pemës, pas murit, vazhdojnë e të vënë gjobën pastaj, ikin në qetësi e qeshin si vemjet se kanë realizuar planin prej 1000 gjobash ne ditë në Tiranë. 

Tjetër punë nuk bëjnë në Tiranë. Vetëm vënë gjoba që të vjedhin banorët me hallet e tyre të mëdha.

Hajdutët pra janë sheshit. Nuk ka SPAK që t’i kapë, as polici që t’i ndjekë. Po u ankove, të përmendin ligjin që këta hajdutë e kanë bërë vetë, që t’i lejojë të vjedhin. Sepse ligj tjetër nga barbarët e bashkisë nuk mund të presësh. Vetëm ligje për zhvatjen dinë të bëjnë. 

Pasi kanë masakruar rrugët e Tiranës duke i copëtuar e ndarë në dysh që të krijojnë hapësira për ndërtime se për parkingje publike pa pagesë nuk mendojnë hajdutët. Tani, skuthërisht rrinë cepave të rrugëve që të vjedhin njerëzit në nevojë.

Asnjë nga këtë qytetarë që gjobiten nga policia e Erion Velijat nuk kanë bërë shkelje. Thjesht këta qytetarë janë të vjedhur nga kryebarbari Veliaj dhe banda e tij e hajdutëve që shëtit cep me cep me bllok në dorë. Dhe këto para gjobash t’i vjedh po prapë, me ligj vetëm pak ditë më pas me ndonjë tender për ngushtim rrugësh e lirim hapësirash për pallate apo parkingje private, fort të dyshimta.

E ne njerëzit shkojmë të qetë në shtëpitë tona me fletën e gjobës në dorë dhe qesen me bukën e blerë, që sot na kushtoi 20 herë më shtrenjtë. Hapim derën e me zor presim të freskohemi me ujin e “mrekullueshëm” që rrjedh në rubinetat e shtëpive tona e që është dhuratë e barbarëve që shembën teatrin e që na vjedhin dhe helmojnë përditë.

© SYRI.net

Lexo edhe

Komentet

Shto koment

Denonco