Arma më e fuqishme e Opozitës

Arma më e fuqishme e Opozitës

Nga Oerd Bylykbashi - 16/06/2021

Ligji i Dekriminalizimit funksionon si sahat! Një tjetër kryebashkiak i dënuar me burgim u zbulua falë tij, duhet të largohet nga funksioni publik dhe duhet dënuar për falsifikim.

6 vite më parë kur hartoja ligjin e Dekriminalizimit më duhej të përballesha jo vetëm me socialistët që pengonin hartimin e tij, por edhe me ata skeptikë brenda nesh që deklaronin se Dekriminalizimi nuk bëhet me ligj por vetëm me retorikë politike, apo se ishte thjesht një ligj që nuk do të funksiononte. Ja ku është!

Po të mos ishte ky ligj sot, me mekanizmin e tij të pamëshirshëm e të ftohtë, nuk do të numëroheshin e mbaheshin mend deklaratat nga foltorja e PD-së kundër deputetëve e kryebashkiakëve të Ramës me dënime për vrasje, rrëmbime, përdhunime, trafiqe e krime të tjera dhe ata ende do të ishin në Parlament e bashki. Pa këtë ligj, Rama do vazhdonte të mbronte skotën e kriminelëve të tij siç mbronte dikur Rroshin.

Rama e urren këtë ligj ndaj e quan antikushtetues. Kam qenë i ndërgjegjshëm kur e hartoja se është ligji më i ashpër i llojit të vet në Europë, por këtu e çoi vendin Rama, tek qeverisje me kriminelë. Tashmë duhet të shtojmë mekanizma që pengojnë kriminelët të fusin fëmijët dhe ushtarët e tyre si përfaqësues të interesave të tyre në institucionet demokratike.

Parlamenti është shtegu më i vështirë për të ecur për një Opozitë në një regjim që maskohet me votime, sepse asaj i duhet të provojë çdo ditë që nuk është fasadë. Por ligji i Dekriminalizimit është prova e fuqisë së një opozite parlamentare që betejat i fiton me moral dhe kauzë të drejtë duke bindur shqiptarët. Ai është prova se Parlamenti, ku na mandatoi për t’i përfaqësuar gjysma e lirë e shqiptarëve, plot 730 mijë njerëz të lirë, është arma më e fuqishme që kemi në betejën për të rrëzuar regjimin e Ramës.

Image

© SYRI.net

Lexo edhe

Komentet

Skrapari16/06/2021 16:14

Lali plehu! Mos ke ndonje shok apo fis nga keta ndyresirat qe i prek ligji i dekriminalizimit? Sa per ate se kush eshte Bylykbashi ska nevoje te japesh gjykim ti se je luliput para tij.

Lali16/06/2021 12:10

Ketij robit u be kohe qe sja kemi degjuar zerin. Ebjini nja dy pyetje ketij:
1. A ka vjedhur ndonje prone ne Durres, zona e portilit te jahteve ?
2. A ka vejdhur ndonje prone, ose pjese te trashegimtareve te familjes ne Shijak?
Ky njeriu eshte i dyzuar, nga nena i persekutuar dhe nga babai kelysh 100 karat komunist. Edhe kur filloi, punoi dhe kontirbuoi ne OSBE, si pjedhe e komunisteve e filloi dhe e mbaroi. Ka ndonje pazar me te majten .... ?

Shto koment

Denonco