Vendi i çudive treditëshe

Vendi i çudive treditëshe

Nga Erion Dasho - 11/05/2021

Ndonëse ethet elektorale janë larguar, ministrja e shëndetësisë rihyri dje në ringun mediatik.

Me sa u kuptua, nga njëra anë synohet të pastrohet emri i ministrisë duke riprogramuar memorjen kolektive lidhur me pandeminë e COVID. Nga ana tjetër, ministrja synon rikonfirmimin edhe katër vjet të tjerë në karrigen që aq shumë i ka lezetosur.

Me këto dy qëllime, ministrja e cila gjatë gjithë fushatës ju shmang përballjeve mediatike si djalli temjanit, dje doli para një paneli gazetarësh.

"Sukseset" ishin kryefjala e ministres në logorenë e saj një orëshe në prime time, ndërsa gazetarët e padhëmbë që e rrethonin ngjanin me një grup aktorësh që lexonin skaletën dhe vendosnin vulën e miratimit mbi mburkat ministrore.

Siç është bërë zakon me daljet e zj. Manastirliu, nuk munguan edhe gafat, kësaj here ngatërresa me imunitetin e tufës. Vetëm se këtu faji i ministres duhet ndarë me grupin e të paaftëvë në ministri e komitet të cilët nuk arrijnë dot as të interpretojnë mesazhet që japin shkencëtarët ndërkombëtarë.

Në fund të emisionit u kuptua që Ogerta është e bindur se rruga e saj drejt katër viteve të tjerë në kolltukun ministror kalon nëpërmjet trushpëlarjes së shqiptarëve se:

1. Nuk kanë patur 10.000 të vdekur në vitin e zi të pandemisë, ose e llogaritur për banor, tre herë më shumë se Gjermania dhe dy herë më shumë se Italia.

2. Nuk kanë patur 1.5 milion të infektuar, duke u bërë vendi i parë në botë që po arrin imunitetin e tufës në mënyrë natyrore dhe me një kosto të jashtëzakonshme njerëzore.

3. Nuk harxhuan mbi 150 milionë euro nga xhepi kur rendnin të jepnin rryshfete për "tiret" dhe shefat e "tireve", kur prenotonin çartera për në Turqi dhe kur paguanin gjithçka nga xhepi duke nisur nga analizat dhe duke përfunduar tek remdesiviri.

4. Nuk blinin ajrin me para në nëntor, dhjetor, janar dhe shkurt, atëherë kur familjarë të tmerruar ishin gati të paguanin mijëra euro për bombola, aparate oksigjeni dhe aparate CPAP dhe BiPAP.

5. Nuk prisnin në ankth përtej gardheve të spitaleve në shi e në të ftohtë për të dërguar një tas supë apo për të marrë vesh në se të afërmit e tyre ishin ende gjallë.

Por në vendin ku "çudia më e madhe tre ditë zgjat", nuk është çudi që edhe këto krime të harrohen dhe pas një viti të këndohen këngë e bejte për piktorin, kimisten dhe klarinestitin që me "vizionin" dhe "mençurinë" e tyre e menaxhuan pandeminë 50 herë më mirë se Italia dhe 10 herë më mirë se Gjermania.

Ashtu sikundër u shpërblye Rama me një mandat të tretë, edhe Ogerta mund të përcillet me duartrokitje drejt një mandati të ri ministror për t'i ridhënë (cit. Manastirliu d.v.) "privilegjin për t'u shërbyer edhe katër vjet shqiptarëve".

Të presim e të shohim. Agresioni mediatik me ide dhe synime të qarta tashmë ka nisur...
 

© SYRI.net

Lexo edhe

Komentet

Skrapari12/05/2021 06:19

I nderuar Doktor Dasho. Ky popull muti ku bej pjese dhe une i meriton keto qeveri dhe keta qener dhe buce ministra.

MANI,USA.12/05/2021 00:06

HEU, VENDI I ÇUDIVE TRIDITËSHE! EU, RENDI I DUDIVE GRIPRITËSHE!! AHIII, KASAPRIMI I
ZGJEDHJEVE; HËËË, MASAKRIMI I DREDHJEVË; DUKE BLERË VOTËN E SOVRANIT POPULL;
KUKE NGRERË NOTËN E KOPRANIT HORRBULL; DUKE VROJTUR, KUKE MBROJTUR; O MU
REZULTATIN E VOTIMIT; FERRZUFATIN E NOTIMIT; ME FALLCE, ME TALLCE; QË DHE MANDA-
TIN E TRETË; TRANDFATIN VËRTETË; TA OKUPOJË, TA UZURPOJË,ME DHUNË DHE BLERJE
TË VOTAVE, TË NOTAVE; QË PRAP TEPRAP, TË VAZHDOJË KËNGA E VJETËR, OUH, BRËNGA
DIQ HIQ TJETËR; QË TË LUHEJ, QË TË SHUHEJ, NDRYSHIMI OUH, QË TË RUHEJ, TË PRUHEJ,
KËLYSHMI NGA KËLYSHËT, MËLYSHËT, HORRËGRINE,SORRËSHKINE; SI SERVILË,DEBILË AH,
STERILË, DUKE UA FALUR, PA UA NDALUR; EDHE KËSO, TEK PËSO; KJO TROHË KOSOVË OR
MOHE HORRPROVE; SI DHE,KJO SHQIPËRI LONDINEZE-SHTIPEGRI HORDHIMEZE; SI PLAÇKA
SI PRAÇKA, MË ANTI KOMBËTARËT, ANTI SHQIPTARËT; GJËJA OR PREJA,DHURATË, KUNGATË,
OUUUH, PËR RUSO SERBO GREKO JUGOSLLAVË;AHIII, PUSO VERBO FERRKO TUGOSHKAVË!!
TË FALA MANI,USA.

Shto koment

Denonco