1. Rama është shumë frikacak, sidomos kohët e fundit i është futur lepuri në bark nga vjedhjet dhe zullumet që po ju vjen koha të hetohen e ndëshkohen. Duke sulmuar BE, ai tenton së pari të grabisë mandatin e III duke manipuluar zgjedhjet në konflikt me lidershipin europian, por me shumë gjasa, ai po përpiqet së dyti, të sigurojë një pazar për ti shpëtuar ndëshkimit.

Këtë radhë gjendet në një dilemë të madhe, prandaj shfaqet i tronditur dhe reagon i çoroditur! Duhet të zgjedhë mes një ‘fitoreje’ të pamundur, i vetëm kundër të gjithëve, shqiptarëve e ndërkombëtarëve, dhe një pazari me europianët për ti shpëtuar ndëshkimit, i detyruar të pranojë humbjen!

2. Nga sondazhet i rezulton një braktisje e madhe nga socialistët dhe për rrjedhojë edhe një humbje shumë e madhe. E vetmja mënyrë për ti shpëtuar humbjes, gjykon se është manipulimi i rezultatit zgjedhor, me të gjithë marifetet dhe me çdo kosto. Me synimin kryesor për të mbajtur karrigen e kryeministrit, gjë që çdo ditë i duket e pamundur! Në këtë opsion do të përplasej fort edhe me shqiptarët dhe ndërkombëtarët. Ky i duket opsion i fundit të tmerrshëm!

3. Nëse ky synim madhor s’do të mund të realizohet, ai është i vendosur deri në fund, me çfarëdo kostoje, të realizojë synimin dytësor, për ti shpëtuar ndëshkimit që do të vinte nga një humbje e madhe, pra nëse rrotacioni i thellë politik do ta përjashtonte nga të gjithë debati për qeverisjen e ardhshme. Ky i duket opsion i tmerrit pafund!

4. Ndërkohë që synimi kryesor lidhet me ruajtjen e karriges së kryeministrit, synimi dytësor lidhet me pranimin e rrotacionit, por duke marrë në shkëmbim karrigen e presidentit… Ai mendon se ‘karrigia e presidentit’ do të ishte garancia e vetme dhe 100 % e sigurtë për mosndëshkimin e tij, për të mundësuar më vonë përdorimin e parave dhe pasurive të paligjshme, të grabitur gjatë 22 vjetëve në pushtet, bashki e qeveri!

5. Ai e ka të qartë se europianët do ta godasin fort nëse tenton të marrë mandatit e III duke manipuluar zgjedhjet. Mesazhet e deritanishme janë të qarta! Pavarësisht se po bën presione, duke krijuar përshtypjen se e ka ndarë mendjen për ti shkuar deri në fund opsionit të fitimit të mandatit të III duke manipuluar zgjedhjet, ai po përgatitet të kërkojë ‘pazar’ për mosndëshkimin…

Deri tani europianët e kanë kuptuar këtë lojë djallzore dhe prandaj e kanë shpërfillur dhe braktisur. Kjo është arsyeja që zhurma dhe ‘kërcënimet’ e tij janë rritur me synimin për ti detyruar ata ti ofrojnë një takim për të dëgjuar se çfarë kërkon… Në fakt takimin ai e kërkon për të shpalosur projektin me dy objektiva. Ai po lufton fort për mandatin e tretë sepse është i paaftë te jetojë pa pushtet.. Por nëse kjo i bëhet e pamundur, gjë që nuk e llogarit momentalisht, ai në takimin-pazar me europianët do të pranonte rrotacionin, më kushtin që ata ti siguronin ‘mosndëshkimin’ që për të është sine qua non me marrjen e postit të presidentit…!

 6. Në këtë ‘lojë’ me synim të dyfishtë, Rama është futur në konflikt të hapur me europianët ndërkohë që ka përhapur si tinzar lajmin se ka siguruar heshtjen e amerikanëve… E vërteta është ndryshe…

7. Përse s’ia kërkon takimin-pazar amerikanëve??!! Për këtë gjë është në dilemë të madhe edhe vetë… Nuk e di sa të lehtë apo të sigurtë do ta kishte të kërkonte dhe të realizonte një takim të tillë, ndërkohë që në 2016 ai iu bëri thirrje qytetarëve amerikanë të mos votonin për ‘turpin e njerëzimit’… Këtë gjë ai e di shumë mirë, por letë supozojmë se nga halli i madh, do të kërkonte takimin përmes lobistëve të paguar majmërish. Me shumë gjasa, përgjigja elegante në këtë rast do të ishte ‘heshtja’! Tinëzisht heshtjen e tyre, për më tepër që ata kanë qenë shumë të fokusuar kohët e fundit në fushatën presidenciale apo menaxhimin e pandemisë, ai është përpjekur ta shesë si mbështetje ndaj tij personalisht…! Gjë që nuk është aspak e vërtetë!

8. Nga ana tjetër, ndërkohë që vazhdon të kundërshtojë me arrogancë e kokëfortësi mesazhet europiane, enturazhi dhe lobistët e tij po punojnë fort për të siguruar një takim me drejtues të lartë europianë për të shpalosur pazarin e tij me dy pika’ i) dakord me rrotacionin politik; ii) por garanci për mosndëshkimin, ose ndryshe garanci për të kapur postin e presidentit.

Dhe nëse ky skenar dështon, ai do të vazhdonte në drejtim të panjohur që kanë ndjekur homologët e tij në raste të ngjashme! Të gjithë këtë ‘ëndërr’ s’ia tregon askujt, madje as bashkëpunëtorëve të tij shumë të ngushtë, të cilët i pompon çdo ditë me mashtrime për fitimin e mandatit të III, që as vetë s’e beson. Sepse ka shumë frikë që të gjithë do ta kuptonin se ai po lufton vetëm për karrigen e tij, e pastaj do ta braktisnin …

Dhe kështu do të rrezikohej edhe mundësia e pazarit, që ai mendon se është e vetmja ‘mundësi e artë’ që e mban në ‘tepsi’ për ti shpëtuar ndëshkimit, por edhe si shans për tu rikthyer i rilindur!