Ndersa mijera shqiptare prej disa ditesh po heqin te zite e ullirit per t’u kthyer ne punet e veta ne Greqi, mes Kryerilindesit dhe disa ndjekesve te tij ne facebook ka plasur debati me teme ‘nese e ka apo jo fajin greku’ apo nenvariante te kesaj teme si p.sh. ‘nese na i ka ulur a jo breket greku’, e te tjera kesisoj.

Kryerilindesi nuk e gelltiti dot akuzen e uljes se brekeve dhe ju hakerrye komedianit qe aludoi brekeuljen, brekegrisjen a brekeshqyerjen, e na solli ne vemendje trimerite e tij ndaj grekut. Por, si burre shteti, nuk pranoi as te fajesonte grekun per situaten ne kufi.

I dha haken grekut. I njohu te drejten sovrane te vendose ashtu si greku mendon, qofte edhe gabim, per te parandaluar perhapjen e COVID19 ne territorin e vet. Kete te drejte sovrane te grekut ua kujtoi debatuesve te rrjetit.

Por, kerkesen e grekut qe cilido qe kerkon te hyjen ne Greqi duhet te kete bere testin, jo me te hershem se 72 ore e me pergjigje negative, e quajti te pakuptimte (ndaj dhe nuk kerkohet nga Shqiperia per vizitoret tane - tha ai), por gjithsesi legjitime e sovrane.

Temen me grekun e ndezi vete. E tha dje dhe e perseriti sot. I intereson ta ndeze kete teme per te shmangur ceshjen kryesore – paaftesine totale te ketij shteti, timonin e te cilit mban i vetem, per t’i paraprire a pergjigjur ne kohe reale ngjarjeve, per te parandaluar a per te nderhyre me shpejtesi dhe efikasitet ne fazat e hershme te nje emergjence.

Si ne rastin e termetit, apo ne rastin e COVID19 me shqiptaret e mbetur neper bote  edhe ne kete situate pritjeje disa ditore ne kufi me Greqine shteti u mobilizua me shume, shume vonese.

Ne rastin e termetit do mbetet ne memorjen e shqiptareve pajisja tejet  e varfer ne mjete, teknologji dhe eksperience e skuadrave te shpetimit te shtetit tone, aq me shume kur u pane te vepronin krah skuadrave nga vende te tjera, perfshire ato nga Kosova.

Ne rastin e COVID19, ndryshe nga cdo qeveri tjeter normale ne Europe, per disa jave rresht ‘shteti yne i rilindur’ as qe i kishte ne hesap shqiptaret e mbetur ne vende te ndryshme nga mbyllja e kufijve. Kur, me vonese, i vuri ne hesap, organizoi fluturimet riatdhesuese me nje kompani te vetme qe e ka shume per zemer, i paketoi njerezit ne avion si sardelet ne kuti, i karantinoi ne kushte mizerabel hoteliere ndersa kosto e operacionit ra kryesisht mbi supet e ketyre qytetareve.

Edhe ne rastin e fundit, ende ne vijim ne dyert e Greqise, u desh alarmi medietik dhe rendimi i gjendjes, deri vdekja aksidentale e nje femije shtypur nga nje ambulance, qe te mobilizohej shteti e te kujtohej per ca furnizime me uje te pijshem e banjo portative.

Fajesimi i njerezve se nuk planifikojne si duhet udhetimet ne keto kohe te turbullta eshte me shume se poshtersi. Pjesa derrmuese e ketyre njerezve vijne ne Shqiperi o per hall o per mall e ju duhet te kthehen brenda afateve te lejes per te mos humbur punen qe bejne atje.

Koheqendrimi i tyre ketu eshte zakonisht i shkurter, me ankthin e perditshem te mbarimit te procedurave te shumta neper zyrat shteterore nga nje ane dhe detyrimet per kryerjen e qokave ne sebepet po aq te shumta familjare e shoqerore.

Secili me te veten i ben mire planet e veta. Edhe ne keto kohe, kur rregullat e hyrje-daljes ndryshojne me dite, keta vepruan si individe racionale. Per t’i paraprire rreptesimit te rregullave, sapo u informuan, shumica vendosi te kthehej me shpejt. Per rrjedhoje, u krijua superradha. Ne keto rrethana, deshtimi si turme eshte i sigurt. Ndaj kemi ngritur institucione shteterore, qe te mos veprojme si turme individesh. Ketu duhet roli i shtetit.

Dihet qe edhe ne kohe normale kthimi ne Greqi ne keto dite te gushtit krijon rradhe. Aq me shume ne keto kohe pandemie ishte i parashikueshem krijimi i superradhes. Lidhur me rregullat e levizjes ne kushtet e COVID19, institucionet jane me te mireinformuarat e me te parainformuarat. Ndaj prej tyre kerkohet fillimisht parashikim dhe parandalim, me pas nderhyrje lehtesuese e zgjidhese. 

Shteti yne u kap edhe kete here teresisht gafil, a thua se ishte i teri me leje te zakonshme. Mezi i shkund. Mezi u ngrit. U desh alarm medietik, transmetim me ze e figure i hallit te madh dhe revoltes vluese te njerezve qe shteti te levizte me ne fund per ca asistence humanitare. Per parashikim e parandalim as qe behet fjale.

Sa per kotesine e testeve qe kerkon greku, Kryerilindesi yne rreket me kot t’i shese mend grekut. Deri me 23 qershor, kur ne kishim 16 te vdekur per 1 milion banore dhe greku 19 ndoshta edhe mund t’i shisnim ca mend (jo vetem grekut por gjithe botes thoshte Kryerilindesi) por jo sot ama, me 16 gusht, pas vec tete javesh, kur ne kemi 79 e greku ka vetem 22 te vdekur nga COVID19 per 1 milion banore.

Ne fakt, Kryerilindesi yne, duke i rene grekut, indirekt synon te na mbushe mendjen ne shqiptareve se testet e pakta qe ben qeveria e tij - mban ne vijimesi rekordin europian - nuk jane problem por taktike e zgjuar, shmangie e nje harxhimi te kote.

Rezultatet tona perballe grekut jane vetefolese.