COVID-19 i vërtetë i biznesit është Edvin Kristaq Zografi

COVID-19 i vërtetë i biznesit është Edvin Kristaq Zografi

Nga Sali Berisha - 28/05/2020

COVID-19 i vërtetë i biznesit është Edvin Kristaq Zografi! Ai paralizoi për 3 muaj ekonominë dhe sipas Thesarit të Shtetit gjer sot ka dhënë si ndihmë gjithsej vetëm 60,6 milionë euro apo vetëm 0,35% të GDP.

Sot, pas 6 muajsh del qartë përfundimisht se për Shqipërinë dhe 145 vende të tjera me vdekshmëri më të ulët se sa Shqipëria, pandemia e COVID-19 ishte thjesht si një virozë e zakonshme gripale. Megjithëkëtë Edvin Kristaq Zografi po e trajton ekonominë e Shqipërisë si një terrorist i vërtetë, si armik i egër i saj.

Pasi për të terrorizuar shqiptarët foli për 18 000 të vdekur, male me të vdekur dhe mure me kufoma e varreza masive etj, ai vendosi në vend masa shkatërrimtare për ekonominë, biznesin, të cilat nuk do t’i vendoste dot as dhe pushtuesi më i egër i këtij vendi.

Kështu, në rast se karantina në një masë të caktuar mendoj se në javët më të para ishte e domosdoshme, vazhdimi i saj - pasi u kristalizua qartë trendi i pandemisë si i një gripi të zakonshëm - ishte i gabuar, i qëllimshëm dhe shkatërrimtar për ekonominë.

Me qëndrim skizofreni sadist, Edvini vazhdoi t’i mbajë me ligësi dhe qëllim kobzi këto masa vetëm e vetëm që të shkatërrojë ekonominë.

Kështu ai vazhdon në mënyrën më kriminale, si asnjë vend tjetër përfshirë dhe vendet që kanë vdekshmëri 40-80 herë më të lartë se sa Shqipëria, të mbajë të mbyllur turizmin e brendshëm të vendit, duke lënë pa rroga më së paku 170 mijë punonjës të këtij sektori; të ndalojë qarkullimin e lirë të automjeteve në fundjavë duke dëmtuar në mënyrë shkatërrimtare bizneset që fundjavën e kanë periudhën e xhiros më të madhe; mban të mbyllur kufijtë e vendit duke shkaktuar dëme ekonomike kolosale; mban për qëllime politike kriminale antikombëtare kufirin me Kosovën paçka se epidemia e COVID-19 ka të njëjtën shëmbëlltyrë në të dy vendet.

Nga të gjitha këto masa absurd kanë falimentuar gjer tani mbi 73 mijë biznese të vogla dhe vazhdojnë të falimentojnë çdo ditë qindra e qindra të tjera. Si pasojë, kanë humbur përfundimisht vendin e punës mbi 120 mijë të punësuar.

Ai duke kërkuar shtyrjen e afateve të pagesave të kredive bankare pa u subvencionuar bankave humbjen, nga kjo shtyrje kërcënoi rëndë stabilitetin e sistemit bankar të vendit ku gjenden kursimet e 30 vjetëve të fundit të shqiptarëve.

Krahas këtij regjimi paralizues për ekonominë, Edvini jo pa qëllim i dha asaj ndihmën shtetërore më të ulët dhe më qesharake të globit.

Gjer sot, 3 muaj pas paralizës së imponuar ekonomike, nga Thesari i Shtetit janë lëvruar me qëllim përballimin e pasojave të COVID-19 vetëm 60,6 milionë euro për të gjitha së bashku, ndihmën ekonomike, papunësinë, bizneset etj. Pra, është lëvruar gjithsej 0,35% e GDP.

Kjo, jashtë çdo dyshimi është dhe shifra më e ulët dhe më qesharake e planetit.

Kjo shifër është 16 herë më e ulët se sa shifra prej 5,2% e GDP që deklaroi Edvini në media dhe është 4 herë më e ulët se sa shfra prej 1,3% e GDP, që sipas FMN-së, Shqipëria do të jepte për ekonominë.

Duke dënuar me ashpërsinë më të madhe këtë qëndrim armiqësor shkatërrimtar ndaj ekonomisë, që ka kushtuar gjer sot mbi 2,3 miliardë euro humbje dhe qindra mijëra vende pune të shkatërruara, u bëj thirrje mbarë qytetarëve dhe biznesmenëve, që duke respektuar distancën sociale dhe mbajtjen e maskës, të kundërshtojnë me akte të guximshme të mosbindjes civile, çdo kufizim tjetër të kërkuar nga Edvin Kristaq Zografi, armik i egër i qënies së tyre!  

© SYRI.net

Lexo edhe

Komentet

Shto koment

Denonco