Pse Vuçiç po i shet bashkëpunëtorët e tij shqip-folës?

Pse Vuçiç po i shet bashkëpunëtorët e tij shqip-folës?

Nga Enver Bytyçi - 13/03/2020

Aleksandër Vuçiç, pasi i korruptoi dhe i përdori si Edi Ramën, ashtu dhe Hashim Thaçin për ta realizuar projektin e tij të ndarjes së territorit të Kosovës, duket tashmë se po i shet bashkëpunëtorët e tij.

Kjo do të thotë se këta të dy nuk i sheh më si partnerë në atë projekt, madje i shikon si liderë të konsumuar, të cilët atij nuk i bëjnë më punë ose mund ta dëmtojnë në planet e tij.

Dikush mund të mendojë ndryshe, por unë po sjell një dëshmi odash në malësi, të dëgjuar në fëmijërinë time e të fiksuar për dekada në memorien time.

Duke iu referuar Luftës Ballkanike të vitit 1912 xhaxhai im në biseda me miqtë e tij rreth oxhakut me prush të nxehtë disa herë ka përmendur një fakt. Aso kohe, para se ushtria serbe të hynte në Kukës, komandot pararojë të saj erdhën dhe asgjësuan spiunët shqipfolës shqiptarë.

Ai e shpjegonte këtë akt me faktin se këta spiunë nuk i duheshin më Serbisë, me ta kishte mbaruar punë. Ndërkaq punët e ardhshme ata do t’i kryenin me rekrutime të reja.

Edi Rama dhe Hashim Thaçi mund të mos jenë spiunë të Beogradit, por për arsye të shumta e të ndryshme u bënë bashkëpunëtorë në dy-tri projekte të Serbisë. Ky shërbim nuk lidhet me emrat përkatës, por me funksionet që ata kryejnë e madje në fillim edhe me fuqinë e pushtetit që posedonin.

Tashmë ata janë konsumuar si në opinionin e brendshëm, ashtu dhe te faktori ndërkombëtar. Vuçiç duhet të ketë info se misioni i Ramës dhe Thaçit është në përfundim. Me ta ai nuk mund të bëjë më asgjë. Ndaj ka vendosur t’i hedhë pasi i shtrydhi si limon.

Në deklaratat e para tri ditëve presidenti i Serbisë zbuloi faktin se një marrëveshje për ndarjen e Kosovës ishte afër, por ‘Serbia humbi një shans për këtë, pasi ajo me nënshkrimin e kësaj marrëveshjeje do të kishte aneksuar vetëm veriun e Kosovës dhe Anamoravën’.

Kjo deklaratë rrëzoi pretendimin e Edi Ramës, sipas të cilit ai nuk ishte pjesë e planit serb për ndarjen e Kosovës. Ndërkaq nxori krejt zbuluar presidentin e Kosovës, Hashim Thaçi, i cili në vazhdimësi na thoshte se ‘me korrigjimin e kufijve donte ta bashkonte Luginën e Preshevës me Kosovën, por jo edhe t’i jepte territore Serbisë’?! Presidenti i Serbisë thotë të kundërtën. Jo vetëm që nuk do ta jepte Kosovës Luginën, por do ta zgjeronte territorin e vendit të tij me Anamoravën.

Prita tri ditë me qëllim të dëgjoja ndonjë përgënjeshtrim të pohimeve të presidentit serb nga ana e presidentit kosovar ose kryeministrit shqiptar. Por dy shqiptaro-folësit shërbëtorë të Aleksandët Vuçiç nuk guxojnë t’ia zënë emrin me gojë shefit të shtetit të Serbisë, sepse ndryshe hapet thesi dhe këta do të dalin me këpucët e kuqe të shtatlartit tonë! Përfundimisht, Edi Rama dhe Hashim Thaçi do të duhet tashmë të presin detaje të reja për komplotin e tyre me Aleksandër Vuçiç kundër Kosovës.

© SYRI.net

Lexo edhe

Komentet

Shqiptari14/03/2020 11:29

PO I SHET PASI I PERDORI SIPAS INTERESAVE TE SERBISE!
PO I SHET SEPSE ASKUSH NUK I DO DHE NUK I RESPEKTON ATA QE TRADHETOJNE DHE SHESIN VENDIN DHE KOMBIN E VET!
KUR ATA SHESIN DHE TRADHETOJNE VENDIN DHE KOMBIN E VET, SA LEHTE MUND TA SHESIN NESER TE HUAJIN! ATA VEC URREHEN PERJETESISHT!
E SI MUND TA DOJE I HUAJI ATE QE NUK DON VENDIN E VET!!!?????

Selman Dervishi-Mani,USA.poet13/03/2020 21:18

HEU,E PSE;VUÇIQ PO I SHET BASHKËPUNËTORËT E TIJ SHQIPFOLËS;EU,QEPSE;
TRUHIQ DO I PRET VRAZHDËFUNDORËT E GRIJ SHTIPDROLËS;POSI NË LUFTËN
ÇLIRIMTARE UÇK O,SHPIUNËT E UDB-ËS QË VRITËSHIN NGA TË DY PALËT;SI NGA
SOVRANI POPULLKOMB SHQIPTARË;SI NGA MORGANI HORBULLKOB SHTIZËVARË;
QË LIKUIDOHËSHIN,ZË GRITURPËROHËSHIN;QË KISHIN NDRYDHË OR SHTRYDHË
ME FASHIZMIN,DRAZHIMIN;PËR MASAKRIMIN,KASAPRIMIN,BASHKË ME BANDA MË
KANIBALË,DRASHKË MË TRANDA TRANDISHKALË;PËR ELIMINIME,DJERRIMIKRIME;
HOLOKAUSTE,RROLOMAUZDE;MËZI O,HITLERIANE,STANILIANE,MILLOSHEVIÇIANE;
EDHE,DUKE U MUNDUAR,TUNDUAR;QË TERË VRASJET OR PLASJET,TË UA NGAR-
KOJË;GJEJA,PREJA,PËR VËLLAVRASJE NDERSHQIPTARE;O JO,ZËR SHKAPLASJE
VRERSHTIPSHKARE;AHIII,JO,GRER SHKAPLASJE PRERSHTIPSHKARE!.O,SE PËR
TRADHTARIN,AUH,GRER BARBARIN;I VRAMË,E I SHAMË;NGA DY ANËT;VRAR Q'NA
FY'GRANËT;AS NË TOKË,AS NË QIELL;OUUH,AS ME LOKË,AS ME DIELL!.MANI USA.

N13/03/2020 18:44

Akoma nuk i ka shtrydhe mire mendoi se fundi ityre eshtte i afert por demi qe kane bere do jete i gjate

Shto koment

Denonco