Në betejën politike dhe në labirinthet e propagandës zyrtare janë përfaqësuar, siç duket edhe paguar më së miri, “idhnakët”, ish miq të afërt e deri intimë të tij, që duhet të shajnë Kryeministrin.

Ndoshta dikush do ta kundërshtojë mendimin tim por unë jam i bindur se shumica e këtyre analistëve qe dalin nëpër studiot televizive e bëjnë gjoja u zunë me Edi Ramën apo ju kundërvunë atij dhe politikave të tij qeverisëse, jane ushtarë, udhëtare dhe bashëkëprogramues të stilit të propagandës që shpërndahet pasi është mbjelle si kerpudhat në hije në tunelet e Këshillit të Ministrave.

Dalin vetëm natën që “dielli” të mos i prekë, se si djalli nuk e durojnë dritën. Në shumicën e rasteve ata që e “hedhin” përtokë politkbërjen e Rilindjes janë ish promovues të bindur të politikave të këtij “Grupi” grabitësish në qeveri. Arrinin deri atje sa e quanin Edi Ramën si shpëtimtarin e kombit. Por tani pas 6 vitesh kur pelerina e kredove të tij është nxirë sa nuk ka ku shkon më, ata i janë turrur që duke e sharë ta mbrojnë e ta mbajnë ndezur motorrin e tij të propagandës dhe tru shpërlarjes me media të blera, ta marra hua apo të kontrolluar plotësisht.

Dikush do të thotë se si mund të mbrohet një njeri duke u sharë!? Këta janë sharës të kontrolluar dhe në teoritë e komunikimik ka shembuj e fakte sa të duash.

Sharje e tyre është më e rafinuar. Me argumenta që e çorodisin elektoratin dhe që sfumojnë edhe mendimin e kompletuar të një kundërshtari serioz që flet me fakte lidhur me fatkeqësitë që po i sjell kjo qeveri shqiptarëve.

Dhe këta sharës të kontrolluar jo vetëm çorodisin trurin e njërëzve, duke bërë që të humbë vemendja ndaj problemeve që vihen në dukje nga analiza serioze, por edhe opozitën e kanalizojnë në linja betejash pa kurrfarë vlere shtuese në elektorat. E bëjnë të harxhojë energji, kohë televizive apo mediatike pa asnjë lloj fruti në shpjegimin e elektoratit për të vertetat e vjedhjeve, krimit dhe korrupsionit qeveritar.

Pra e thënë shkurt ish miqtë e Ramës tani po i shpjegojnë Ramës se e ka dhj*rë fare. Pra ish miqtë e tij që deri dje na shanin e fyenin se pse nuk po i besonim një njeriu me kartelë, sot kapin kokën me dorë e thonë, ky është i semurë. Si i besuam? Si i dolëm në krah? Si dolëm në mbrojtje? Si e votuam?

Shkojnë deri në jargavitje duke fajësuar veten për “mendjelehtësinë” duke mos ofruar asgjë të re në sfond, përveç ripërdorimit të vetvehtes së tyre, tashmë me një model tjetër. Dikur duke e mbrojtur e tani duk e sharë.

Por pas këtij “zhgënjimi” personal të tyre nuk gjej ndonjë arsye që të besohen edhe kur shajnë apo akuzojnë me elokuencë pasi thjesht po i bëjnë shërbimin e radhës një qeverie të kourruptuar deri në palcë.

Pra ata po e mbajnë ndezur opinionin me zhgënjmin e tyre, duke i dhënë oksigjen Edi Ramës dhe qeverisë së tij totalisht të papërgjegjshme, që të jëtë pjesë e opinionbërjes dhe e trushpërlarjes.

Këto sharës të kontrolluar, kështu mendojnë se ndihmojnë idhullin e tyre por po i bëjnë një dëm të madh Shqipërisë. Vendi po zbrazet e fajtorë bashkë me Ramën janë edhe këto vajtojca të kontrolluara e të paguara, që për të mbajtur ndezur frymën e dhimbjes vonojnë varrimin e një qeverie që ka 6 vjet që vetëm i largohet Perëndimit. Ndërkohë nuk ka hapje negociatash për Shqipërinë e rrezikohet rikthimi i vizave për shqiptarët.

Dhe në këtë betejë mediatike për të shpjeguar të vertetat e hidhura ka një rol të madh opozita  e cila gjendet në mes vorbullës së mediave të kapura, sharësve të kontrolluar dhe kundërshtarëve rrogëtarë që bëjnë si të pavarur por që e marrin pagën tek Rilindja dhe fluksin e ideve tek Kërpudhat e Kryministrisë.

Misoni i saj është të mos ndalet. Dhe është në të drejtën e saj të zgjedhë ata me të cilet të debatojë e që nuk duhet të jenë kurrsesi sharës të kontrolluar. Sepse të vertëtat duhet të shpjegohen.

Edhe pse nuk i ngelen shumë aleternativa, sidomos kur mediat janë të kapura nga pushteti opozita e ka një dritë që duhet ta shfrytëzojë maksimalisht.

Të flasë direkt me qytetarët.