700 euro për një natë, Etilda në hotelet e çudirave

700 euro për një natë, Etilda në hotelet e çudirave

Nga Andi Bushati - 25/08/2019

Kur lexova jusitifikimin e Etilda Gjonit pasi ishte denoncuar për pagesat marramendëse të dhomave të hoteleve gjatë shërbimeve jashtë shtetit, automatikisht mu kujtua një nga deklaratat e para, kur ajo u bë e njohur për publikun. Me një lloj lehtësie të papërballueshme, me buzëqeshje të përmbajtur dhe me një sinqeritet gati infantil, ajo shpjegoi se si ishte bërë ministre. “Nuk dija asgjë, po shihja asamblenë e PS-së në TV dhe aty papritmas dëgjova kryeministrin të shqiptonte emrin tim tek drejtësia”- u rrëfye ajo.

Të njëjtin shpengim, naivitet dhe mungesë përgjegjëise tregoi edhe sot dy vite pasi shkroi atë deklaratë.

Ajo u akuzua se kishte paguar netë hoteli marramendëse në Bruksel, Londër, Paris, Romë madje dhe Prishtinë, por u përgjigj se në Itali nuk kishte qëndruar një por dy ditë, prandaj shuma sipas netëve duhej të pjestohej. Ajo u akuzua se kishte paguar dhoma edhe mbi çmimet normale të këtyre mjediseve me 5 yje, por u përgjigj se aty paskësh qenë e detyruar të qëndronte prej organizatorëve. Ajo u akuzua se vendqëndrimet e saj qenë në zonat më të shtrenjta të kryeqendrave europiane, aty ku zakonisht strehohen milionerët apo yjet e shou bizit, por u përgjigj, se vendet i përcaktonte stafi dhe jo ministrja.

E pastaj sikur këto justifikime bishtnuese të mos mjaftonin, Ministrja e Drejtësisë kaloi edhe në argumente qesharakë.

Pretendoi se i kishte rastisur edhe të udhëtonte me tren (sikur paskësh lindur për biznes class), se paska rastisur që të kthehet nga jashtë edhe brenda ditës (pra se atë natë na ka kursyer 700 euro të tjera), shkurt se ajo penalizohet duke ia fshehur publikut edhe këto sakrifica.

Etilda Gjoni zgjodhi të mbrohet me mënyrën që përdorin të gjithë ata që zihen në faj.

Ti kërkon të dish se pse i kushtoi aq shtrenjtë shtrati i një nate, ajo ta kthen se po e sulmon si grua në politikë. Ti këmbëngul se pse çmimet janë edhe më të kripura se vetë netët bazike të këtyre hoteleve me pesë yje, ajo bën viktimën duke thënë se ndihet e poshtëruar si nënë? Ti insiston të dish papërgjeqshmërinë e këtij luksi të shfrenuar, ajo ankohet se po e baltosin si bashkëshorte.

Pra, nëse botimi i faturave të netëve të saj të shtrenjta ishin thjeshtë akuza, reagimi i ministres këtë të dielë, mund të konsiderohet, pa frikë, si lapsusi frojdian i pranimit të fajit.

Tashmë të gjithë ata që ndihen të revoltuar, që i përmendin Ramës në rrjetet sociale kilometrat e munguar, ndihmën sociale të padhënë, apo ilaçet që mund të kishin zëvendësuar çarcafët e mëndafshtë të znj. Gjonaj, tani e kanë provën e abuzimit të saj.

Dhe me kaq kjo histori mbyllet.

Natyrisht për të hapur një tjetër. Për të ngritur një pyetje: si është e mundur që një politikane e lartë të tregohet kaq e verbër dhe mendjelehtë? Si ka mundësi që ajo nuk ka menduar aspak për impaktin publik, për shock-un që mund të shkaktonte, për talljen ndaj atyre që u kanë kumtuar se: “ne jemi këtu vetëm si shërbëtorët tuaj”? Si mund të rrezikojë gjithë karierën e saj duke u sjellë si ato çupulinat e instagramit që paguajnë dhoma me jacuzzi në taracë vetëm për të postuar një foto?

Në fakt dëshira për luks, tentimi për të jetuar mbi mundësitë që të jep një pagë e ndershme, nuk është vetëm një mëkat i politikanëve të rilindjes. Ajo është një yshtje për pjesën më të madhe të të ngjashmëve të tyre kudo në botë. Në këtë sistem ku jetojmë ndjenja e barazisë dhe empathia për të kuptuar ata që nuk kanë, janë skrupuj drejt zhdukjes. Por ama, ndryshimi me demokracitë reale, sado të deformuara qofshin ato, është se politikanët u ruhen këtyre sjelljeve. Ndofta jo për moral, por se mendojnë për imazhin e tyre. Bëjnë llogarinë se do duan të paraqiten sërish para zgjedhësve. Nuk riskojnë që për një plesht të artë të djegin jorganin e karierës së tyre. Ata që identifikohen me vese të tilla vaniteti dalin nga politika. Vetëm në muajt e fundit kemi disa raste në disa qeveri europiane.

Po në Shqipëri, pse Etilda Gjonaj e mbron me krenari mëkatin poshtë çarçafëve të saj të mëndafshtë? Pse nuk ka drojë ta bëjë dhe aq më pak të ndihet fajtore për këtë?

E këtu dalim tek krahasimi i bërë më lart, me një nga deklaratat e saj të para si ministre. Ajo, sikurse e tregoi vetë, e mori atë post pa e pyetur dhe pa e konsultuar askush, pa bërë një karierë politike, pa paraqitur një platformë dhe pa konkuruar me askënd. Ajo u katapultua aty thjeshtë se pati simpati Edi Rama. Thjeshtë se një ditë udhëheqësit iu shkrep ta ngrinte në detyrë, pa përfillur, as partinë që fitoi zgjedhjet, as rrethin më të gjërë të opinionit publik.

Prandaj, Etilda Gjonaj, ndryshe nga çdo politikan i ngritur me shpatullat e veta, është fare e pandjeshme për atë që mendojmë ne qindra mijra të tjerët për të. Ajo ka mësuar një gjë, nuk ka rëndësi të jesh e simpatike apo e përbuzur nga publiku, thëlbësore është se ç‘mendon për ty shefi.

Dhe në këtë kuptim, ajo bën mirë, për sa kohë që ka mundësi, që ta shijojë dhuratën që i kanë bërë. Le të vazhdojë të zgjedhë hotelet që do, le të udhëtojë në biznes class, le të shijojë një botë çudirash. Sepse në thelb, sakrifica, apo vetmohimi që mund të tregojë nuk kanë asnjë vlerë. Ajo mund ti dëshmojë ato, por sërish mund ti ndodhë, ashtu si shumë ish kolegëve të saj, që një ditë papritur, të dëgjojë nga ekrani, sërish emrin e saj. Këtë radhë për të kuptuar se nuk i pëlqen më shefit prandaj është shkarkuar. /Lapsi.al/

© SYRI.net

Lexo edhe

Komentet

i deleguari26/08/2019 12:50

Mire e ke pershkruar ket realitet o Andi! Aq duf te kane imponuar te tute, sa ket rradhe ke harruar marifetin ,qe t'i turresh Berishes.Dhjerja e rilindjes te ka bere te harrosh vijen e kuqe,qe ke ne tru,sa i perket qendrimit ndaj Berishes ! Nqse je i vertete ne keto qe shkruan dhe nqse do te "kurohesh" ,e di se nje dite do te bertasish "rrofte Berisha" ,qofte edhe me vehte!

Alfons Malo26/08/2019 12:03

Bukur z. Bushati! Jam plotesisht dakort me Ju.Por kjo bukuroshe fle me çarçaf te menadsht se e ka syrin çele nga i pari i Qeverise..Ju kerkoni qe te jape doreheqje per bemat qe ka bere .? Kjo nuk ndodh se nuk eshte vetem kjo qe ka bere kete pisllik .Po te analizosh te gjithe administraten qe ka hyre e dale jashte shtetit, eshte nje katraure e vertete .Po kjo nuk ndodh.Edhe kontrolli i larte i shtetit, kur kryejne auditimin e shpenzimeve,i nxjerrin si problematike ,bejne ballafaqimin me realitetin,bejne presion se do te trajtohen ne akt -kontrolle.Diten tjeter merret pjese e luanit dhe ai problem nuk trajtohet me ne akt- kontroll.Keshtu qe ne flasim kot.Shqiperia ka mbaruar nga te gjitha anet,Ne ekonomi,ne poltike,ne infastrukure e kudo .Nuk gjen dot nje te drejte themeltare Nuk flet dot per asgje.Une nuk e di se ku po shkojme dhe çfare presim nga kjo qeveri.Mbetem duke degjuar pordhet e Erjon Velise duke genjyer çdo dite si Enveri ne 1946 Iken parat e taksa pagueseve duke rindertuar 20 here nje rruge,vetem e vetem per te vjedhur Durimi eshte sosur Njerzit po boshtisin vendin ,Kjo eshte poltika e qeverise qe te kene vetem keta.
PO NDIQET RRUGA E TITOS PER TE ZBASUR KOSOVEN .AI NUK JA DOLI.EDHE KY DUHET TE IKE SA ME PARE ME CDO MENYRE

Hysniu26/08/2019 11:28

Nuk na shkrojte per bemat e gjyshes tende Vito qe bleu pas vdekjes se Hisniut nje peugeot qe mahniti te tere Tiranen or kopil i bllokut e pasketaj ti ma do mendja qe ke moral ti versulesh kesaj ministre!Nuk na the se sa shpenzoi shteti monist per familjen e gjyshit e gjyshes ku nga ata rriteshe dhe ti i shendetshem nen kujdesjen e mjekut Sali!Per sojin ten Frok Cupi shkrojti ne 91 "Si nuk doli asnje budalla nga blloku",e qe fatkeqesisht ti sot je bere protagonist e ke rol ne ndotjen e ketij vendi e jete shoqerore duke e bere ndoshta jo nga deshira por nga ajo qe percakton Froku!Ndaj rrijini mutit persiper e mos levizni se bini ere Ju qe hengret ne ate kohe e hani perseri tani po me ate luge per te cilen ghjishja jote e kishte trasheguar nga fisi i saj ,pra me luge te florinjte!Ndaj o Andush nese dikush ka te drejte te pergojoje te shkruaj edhe marrezira ne kete stan nuk ke vend ti e soji yt qe e shkerdhyet Shqiperine ne monizem e kerkoni ti vini flaken ne demografin qe vete e stiset per tu maskuar!

krasasi tp26/08/2019 08:23

Muhabet koti.Ka ish ministra te PS qe kane udhetuar me çarter, Qe kane flejtur ne hotele edhe me te shtrenjt.Kane shtyr kohen per shume dite,apo kane zgjidhur 'hallet' personale.Per mos te investiguar ne 'gjeresi' e 'thellesi',meret si shembull ministrja ndoshta me e rregullt.Nuk meren as me pensionet, as me rrogat,as me dieta , hotele ,makina e pasuri te 'baballareve te kombit' deputetet.Muhabet ploti.E godasin, per shkak te angazhimit dhe fokusimit ne Reformen ne Drejtesi.Flisni per te tjeret.Nuk ua mban.

Shto koment

Denonco