Rama nuk ra, por u fsheh pas gazit lotësjellës

Rama nuk ra, por u fsheh pas gazit lotësjellës

Nga Andi Bushati - 16/03/2019

Nëse opozita dështoi në premtimin e gënjeshtërt që u bëri ndjekësve të saj, se 16 marsi do të ishte dita e fundit e Edi Ramës, ajo është në rrugë të mbarë për të shpërfaqur fytyrën e vërtetë të rregjimit të Tiranës.

Si kurrë ndonjëherë në këto gjashtë vite të pushtetit të rilindjes, në rrugët e kryeqytetit nuk ishte parë kaq mbipopullim me trupa sigurie dhe kamera spiune, nuk kishin marshuar kaq makina të blinduara dhe nuk ishte përdorur, ajo sasi e paimagjinueshme bershërie me ujë dhe gaz lotësjellës.

Po të bësh një krahasim imazhesh me 16 shkurtin e një muaji më parë, uniformat blu nuk qenë më ato që i hapnin rrugën protestuesve të inatosur për të kapërcyer shkallët e kryeministrisë, por ato kishin marë urdhrin e prerë, për të mos u tërhequr asnjë centim nga mbrojtja e pushtetit.

Në fakt, ndryshimi nuk është vetëm në imazh.

Në këto 30 ditë, që nga protesta që i parapriu vendimit të djegjes së mandateve, imazhi i një vendi normal demokratik është krisur ndjeshëm.

Parlamenti pothuajse mblidhet në mënyrë ilegale, pa shpallur as ditën dhe as orën e seancave plenare. Kryeministri është rikthyer të bëjë rolin e shefit të partisë shtet, që në vend të punëve të përditshme, detyrohet të luajë kllounin endacak të grave socialiste. Opozita e re po identifikohet me fytyrat e heronjve të porsalindur, Ylli Shehu dhe Kujtim Gjuzi. Televizionet kombëtare kanë degraduar në ditët më të zeza të propagandës, ndërkohë që shqiptarëve po u shafqet si gogol rreziku i armikut të jashtëm, që herë mer formën e ariut rus dhe herë vesh robën e mullahëve iranianë.

Dilema që shtrohet është: A do të qe i mundur ky degradim kaq i shpejtë, ky precipitim maramendës, nëse opozita nuk do të kishte vënë bast për rrugën radikale?

Natyrisht, që kjo pyetje retorike, është e vlefshme edhe për këtë 16 mars.

Sepse nuk ka rrugë tjetër veçse mbajtjes nën presion të këtij rregjimi që ka promovuar kriminelët në parlament, oligarkët në ekonomi, ndërtuesit me paratë e drogës në Tiranë dhe banditët që vjedhin vota në Durrës apo në Dibër.

Kjo ndodhi edhe këtë të shtunë.

Në rrugët e Tiranës, ne mediat vendase dhe ndërkombëtare, mbetën të skalituara pamjet e tymnajës së një pushteti, që fshihet pas gazit lotësjellës. Tani jemi larg, shumë larg imazhit të liderit shpresëdhënës, që shkulte gradhin e kryeministrisë, që hapte hollin e saj për qytetarët, që i dekoronte oborrin me punime të artistëve bashkëkohorë.

Tani, për të qeverisur, Edi Rama ka nevojë për trupat speciale dhe për rendjen e autoblindëve nëpër bulevard. Kjo është ajo që i shkon për shtat pushtetit të tij.

Dhe në një muaj opozita e arriti këtë.

Ajo i veshi kryeministrit me forcë, kostumin real të autokratit, pavarësisht se nuk i’a doli t’a rrëzontë këtë 16 mars, ashtu siç i premtoi idhtarëve të saj.

 

© SYRI.net

Lexo edhe

Komentet

Loni nga fieri16/03/2019 22:19

Mir O mir po guri thyet me shume te goditira. Kete s,e mbron dote as lefter maloqi, as muslim Murrizi ,as galloshja e Azemit ky ja u them une do shporret si qen bit qeni rrofshin protestuesit shqiptar rrofte shqiperia ime her tjeter hedhjen e ed Hales ne plehra

krist16/03/2019 20:39

Gazetar,nga me dallkauket,qe si nje kollone e peste e socialisteve,futet si pyke duke pretenduar te orientoje mbrojtjen prej protestuesve,nderkohe qe rilindja dhe policia e saj,,gjithmone duke provokuar,mbrohet duke sulmuar teper egersisht nda popullit protestues,qe aspak nuk kish nderrmend te sulmonte,apo pushtonte institucione.Ky dallkauk,duhet injoruar krejtesisht dhe jo ti jepet spacio,per provokacionet e tija.

t16/03/2019 19:02

pra u vertetuan ato qe kish parashtruar bushati ne analizen e mepareshme qe nuk rrezohet rama me 2-3 protesta, por me veprimet e opozites ai po shkon me shpejtesi drejt degradimit te plote te pushtetit te tij.tani eshte thjesht ceshtje kohe dhe vendosmerie te protestuesve.

Askushi 16/03/2019 18:40

Ah i dashuar Bushati. Te gjitha cka thua jane te verteta. Opozita premtoj se 16 marsi eshte dita e fundit, dhe arriti te gjitha ato cka ju i that me siper. Por me te bertiturat "Rama ik" Rama ik......etj askush nuk iken dhe askush nuk rrezohet.
Nje dite ne oborr me kishin hyre nje tufe me qener, femija u trem dhe me thirri. Dola dhe po ju flisja qenerve (qe ishin shume te mire, jo si kjo qeverri...ata ishin ne qejfin e tyre ...) qe te largoheshin, ju bertita "ikni" - "ikni"...por qent nuk donin tja dinin, athere rrembeva nje dru dhe ju turra qenve, vetem athere qent u larguan dhe oborri ra ne qetesi, dhe djali im poushoj se qari.

Shto koment